ઋગ્વેદ · અધ્યાય 7.056

ક ઈં વ્યક્તા નરઃ સનીળા રુદ્રસ્ય મર્યા અધ સ્વશ્વાઃ ॥

નકિર્ હ્ય્ એષાં જનૂંષિ વેદ તે અઙ્ગ વિદ્રે મિથો જનિત્રમ્ ॥

અભિ સ્વપૂભિર્ મિથો વપન્ત વાતસ્વનસઃ શ્યેના અસ્પૃધ્રન્ ॥

એતાનિ ધીરો નિણ્યા ચિકેત પૃશ્નિર્ યદ્ ઊધો મહી જભાર ॥

સા વિટ્ સુવીરા મરુદ્ભિર્ અસ્તુ સનાત્ સહન્તી પુષ્યન્તી નૃમ્ણમ્ ॥

યામં યેષ્ઠાઃ શુભા શોભિષ્ઠાઃ શ્રિયા સમ્મિશ્લા ઓજોભિર્ ઉગ્રાઃ ॥

ઉગ્રં વ ઓજઃ સ્થિરા શવાંસ્ય્ અધા મરુદ્ભિર્ ગણસ્ તુવિષ્માન્ ॥

શુભ્રો વઃ શુષ્મઃ ક્રુધ્મી મનાંસિ ધુનિર્ મુનિર્ ઇવ શર્ધસ્ય ધૃષ્ણોઃ ॥

સનેમ્ય્ અસ્મદ્ યુયોત દિદ્યુમ્ મા વો દુર્મતિર્ ઇહ પ્રણઙ્ નઃ ॥

પ્રિયા વો નામ હુવે તુરાણામ્ આ યત્ તૃપન્ મરુતો વાવશાનાઃ ॥

સ્વાયુધાસ ઇષ્મિણઃ સુનિષ્કા ઉત સ્વયં તન્વ1ઃ શુમ્ભમાનાઃ ॥

શુચી વો હવ્યા મરુતઃ શુચીનાં શુચિં હિનોમ્ય્ અધ્વરં શુચિભ્યઃ ।
ઋતેન સત્યમ્ ઋતસાપ આયઞ્ છુચિજન્માનઃ શુચયઃ પાવકાઃ ॥

અંસેષ્વ્ આ મરુતઃ ખાદયો વો વક્ષઃસુ રુક્મા ઉપશિશ્રિયાણાઃ ।
વિ વિદ્યુતો ન વૃષ્ટિભી રુચાના અનુ સ્વધામ્ આયુધૈર્ યચ્છમાનાઃ ॥

પ્ર બુધ્ન્યા વ ઈરતે મહાંસિ પ્ર નામાનિ પ્રયજ્યવસ્ તિરધ્વમ્ ।
સહસ્રિયં દમ્યમ્ ભાગમ્ એતં ગૃહમેધીયમ્ મરુતો જુષધ્વમ્ ॥

યદિ સ્તુતસ્ય મરુતો અધીથેત્થા વિપ્રસ્ય વાજિનો હવીમન્ ।
મક્ષૂ રાયઃ સુવીર્યસ્ય દાત નૂ ચિદ્ યમ્ અન્ય આદભદ્ અરાવા ॥

અત્યાસો ન યે મરુતઃ સ્વઞ્ચો યક્ષદૃશો ન શુભયન્ત મર્યાઃ ।
તે હર્મ્યેષ્ઠાઃ શિશવો ન શુભ્રા વત્સાસો ન પ્રક્રીળિનઃ પયોધાઃ ॥

દશસ્યન્તો નો મરુતો મૃળન્તુ વરિવસ્યન્તો રોદસી સુમેકે ।
આરે ગોહા નૃહા વધો વો અસ્તુ સુમ્નેભિર્ અસ્મે વસવો નમધ્વમ્ ॥

આ વો હોતા જોહવીતિ સત્તઃ સત્રાચીં રાતિમ્ મરુતો ગૃણાનઃ ।
ય ઈવતો વૃષણો અસ્તિ ગોપાઃ સો અદ્વયાવી હવતે વ ઉક્થૈઃ ॥

ઇમે તુરમ્ મરુતો રામયન્તીમે સહઃ સહસ આ નમન્તિ ।
ઇમે શંસં વનુષ્યતો નિ પાન્તિ ગુરુ દ્વેષો અરરુષે દધન્તિ ॥

ઇમે રધ્રં ચિન્ મરુતો જુનન્તિ ભૃમિં ચિદ્ યથા વસવો જુષન્ત ।
અપ બાધધ્વં વૃષણસ્ તમાંસિ ધત્ત વિશ્વં તનયં તોકમ્ અસ્મે ॥

મા વો દાત્રાન્ મરુતો નિર્ અરામ મા પશ્ચાદ્ દઘ્મ રથ્યો વિભાગે ।
આ નઃ સ્પાર્હે ભજતના વસવ્યે3 યદ્ ઈં સુજાતં વૃષણો વો અસ્તિ ॥

સં યદ્ ધનન્ત મન્યુભિર્ જનાસઃ શૂરા યહ્વીષ્વ્ ઓષધીષુ વિક્ષુ ।
અધ સ્મા નો મરુતો રુદ્રિયાસસ્ ત્રાતારો ભૂત પૃતનાસ્વ્ અર્યઃ ॥

ભૂરિ ચક્ર મરુતઃ પિત્ર્યાણ્ય્ ઉક્થાનિ યા વઃ શસ્યન્તે પુરા ચિત્ ।
મરુદ્ભિર્ ઉગ્રઃ પૃતનાસુ સાળ્હા મરુદ્ભિર્ ઇત્ સનિતા વાજમ્ અર્વા ॥

અસ્મે વીરો મરુતઃ શુષ્મ્ય્ અસ્તુ જનાનાં યો અસુરો વિધર્તા ।
અપો યેન સુક્ષિતયે તરેમાધ સ્વમ્ ઓકો અભિ વઃ સ્યામ ॥

તન્ ન ઇન્દ્રો વરુણો મિત્રો અગ્નિર્ આપ ઓષધીર્ વનિનો જુષન્ત ।
શર્મન્ સ્યામ મરુતામ્ ઉપસ્થે યૂયમ્ પાત સ્વસ્તિભિઃ સદા નઃ ॥