ઋગ્વેદ · અધ્યાય 7.057

મધ્વો વો નામ મારુતં યજત્રાઃ પ્ર યજ્ઞેષુ શવસા મદન્તિ ।
યે રેજયન્તિ રોદસી ચિદ્ ઉર્વી પિન્વન્ત્ય્ ઉત્સં યદ્ અયાસુર્ ઉગ્રાઃ ॥

નિચેતારો હિ મરુતો ગૃણન્તમ્ પ્રણેતારો યજમાનસ્ય મન્મ ।
અસ્માકમ્ અદ્ય વિદથેષુ બર્હિર્ આ વીતયે સદત પિપ્રિયાણાઃ ॥

નૈતાવદ્ અન્યે મરુતો યથેમે ભ્રાજન્તે રુક્મૈર્ આયુધૈસ્ તનૂભિઃ ।
આ રોદસી વિશ્વપિશઃ પિશાનાઃ સમાનમ્ અઞ્જ્ય્ અઞ્જતે શુભે કમ્ ॥

ઋધક્ સા વો મરુતો દિદ્યુદ્ અસ્તુ યદ્ વ આગઃ પુરુષતા કરામ ।
મા વસ્ તસ્યામ્ અપિ ભૂમા યજત્રા અસ્મે વો અસ્તુ સુમતિશ્ ચનિષ્ઠા ॥

કૃતે ચિદ્ અત્ર મરુતો રણન્તાનવદ્યાસઃ શુચયઃ પાવકાઃ ।
પ્ર ણો ઽવત સુમતિભિર્ યજત્રાઃ પ્ર વાજેભિસ્ તિરત પુષ્યસે નઃ ॥

ઉત સ્તુતાસો મરુતો વ્યન્તુ વિશ્વેભિર્ નામભિર્ નરો હવીંષિ ।
દદાત નો અમૃતસ્ય પ્રજાયૈ જિગૃત રાયઃ સૂનૃતા મઘાનિ ॥

આ સ્તુતાસો મરુતો વિશ્વ ઊતી અચ્છા સૂરીન્ સર્વતાતા જિગાત ।
યે નસ્ ત્મના શતિનો વર્ધયન્તિ યૂયમ્ પાત સ્વસ્તિભિઃ સદા નઃ ॥