ઋગ્વેદ · અધ્યાય 7.055

અમીવહા વાસ્તોષ્ પતે વિશ્વા રૂપાણ્ય્ આવિશન્ ।
સખા સુશેવ એધિ નઃ ॥

યદ્ અર્જુન સારમેય દતઃ પિશઙ્ગ યચ્છસે ।
વીવ ભ્રાજન્ત ઋષ્ટય ઉપ સ્રક્વેષુ બપ્સતો નિ ષુ સ્વપ ॥

સ્તેનં રાય સારમેય તસ્કરં વા પુનઃસર ।
સ્તોતૄન્ ઇન્દ્રસ્ય રાયસિ કિમ્ અસ્માન્ દુચ્છુનાયસે નિ ષુ સ્વપ ॥

ત્વં સૂકરસ્ય દર્દૃહિ તવ દર્દર્તુ સૂકરઃ ।
સ્તોતૄન્ ઇન્દ્રસ્ય રાયસિ કિમ્ અસ્માન્ દુચ્છુનાયસે નિ ષુ સ્વપ ॥

સસ્તુ માતા સસ્તુ પિતા સસ્તુ શ્વા સસ્તુ વિશ્પતિઃ ।
સસન્તુ સર્વે જ્ઞાતયઃ સસ્ત્વ્ અયમ્ અભિતો જનઃ ॥

ય આસ્તે યશ્ ચ ચરતિ યશ્ ચ પશ્યતિ નો જનઃ ।
તેષાં સં હન્મો અક્ષાણિ યથેદં હર્મ્યં તથા ॥

સહસ્રશૃઙ્ગો વૃષભો યઃ સમુદ્રાદ્ ઉદાચરત્ ।
તેના સહસ્યેના વયં નિ જનાન્ સ્વાપયામસિ ॥

પ્રોષ્ઠેશયા વહ્યેશયા નારીર્ યાસ્ તલ્પશીવરીઃ ।
સ્ત્રિયો યાઃ પુણ્યગન્ધાસ્ તાઃ સર્વાઃ સ્વાપયામસિ ॥