ઋગ્વેદ · અધ્યાય 7.043

પ્ર વો યજ્ઞેષુ દેવયન્તો અર્ચન્ દ્યાવા નમોભિઃ પૃથિવી ઇષધ્યૈ ।
યેષામ્ બ્રહ્માણ્ય્ અસમાનિ વિપ્રા વિષ્વગ્ વિયન્તિ વનિનો ન શાખાઃ ॥

પ્ર યજ્ઞ એતુ હેત્વો ન સપ્તિર્ ઉદ્ યચ્છધ્વં સમનસો ઘૃતાચીઃ ।
સ્તૃણીત બર્હિર્ અધ્વરાય સાધૂર્ધ્વા શોચીંષિ દેવયૂન્ય્ અસ્થુઃ ॥

આ પુત્રાસો ન માતરં વિભૃત્રાઃ સાનૌ દેવાસો બર્હિષઃ સદન્તુ ।
આ વિશ્વાચી વિદથ્યામ્ અનક્ત્વ્ અગ્ને મા નો દેવતાતા મૃધસ્ કઃ ॥

તે સીષપન્ત જોષમ્ આ યજત્રા ઋતસ્ય ધારાઃ સુદુઘા દુહાનાઃ ।
જ્યેષ્ઠં વો અદ્ય મહ આ વસૂનામ્ આ ગન્તન સમનસો યતિ ષ્ઠ ॥

એવા નો અગ્ને વિક્ષ્વ્ આ દશસ્ય ત્વયા વયં સહસાવન્ન્ આસ્ક્રાઃ ।
રાયા યુજા સધમાદો અરિષ્ટા યૂયમ્ પાત સ્વસ્તિભિઃ સદા નઃ ॥