ઋગ્વેદ · અધ્યાય 7.044

દધિક્રાં વઃ પ્રથમમ્ અશ્વિનોષસમ્ અગ્નિં સમિદ્ધમ્ ભગમ્ ઊતયે હુવે ।
ઇન્દ્રં વિષ્ણુમ્ પૂષણમ્ બ્રહ્મણસ્ પતિમ્ આદિત્યાન્ દ્યાવાપૃથિવી અપઃ સ્વઃ ॥

દધિક્રામ્ ઉ નમસા બોધયન્ત ઉદીરાણા યજ્ઞમ્ ઉપપ્રયન્તઃ ।
ઇળાં દેવીમ્ બર્હિષિ સાદયન્તો ઽશ્વિના વિપ્રા સુહવા હુવેમ ॥

દધિક્રાવાણમ્ બુબુધાનો અગ્નિમ્ ઉપ બ્રુવ ઉષસં સૂર્યં ગામ્ ।
બ્રધ્નમ્ મઁશ્ચતોર્ વરુણસ્ય બભ્રું તે વિશ્વાસ્મદ્ દુરિતા યાવયન્તુ ॥

દધિક્રાવા પ્રથમો વાજ્ય્ અર્વાગ્રે રથાનામ્ ભવતિ પ્રજાનન્ ।
સંવિદાન ઉષસા સૂર્યેણાદિત્યેભિર્ વસુભિર્ અઙ્ગિરોભિઃ ॥

આ નો દધિક્રાઃ પથ્યામ્ અનક્ત્વ્ ઋતસ્ય પન્થામ્ અન્વેતવા ઉ ।
શૃણોતુ નો દૈવ્યં શર્ધો અગ્નિઃ શૃણ્વન્તુ વિશ્વે મહિષા અમૂરાઃ ॥