Rig Veda · Chapter 7.043

pra vo yajñeṣu devayanto arcan dyāvā namobhiḥ pṛthivī iṣadhyai |
yeṣām brahmāṇy asamāni viprā viṣvag viyanti vanino na śākhāḥ ||

pra yajña etu hetvo na saptir ud yacchadhvaṁ samanaso ghṛtācīḥ |
stṛṇīta barhir adhvarāya sādhūrdhvā śocīṁṣi devayūny asthuḥ ||

ā putrāso na mātaraṁ vibhṛtrāḥ sānau devāso barhiṣaḥ sadantu |
ā viśvācī vidathyām anaktv agne mā no devatātā mṛdhas kaḥ ||

te sīṣapanta joṣam ā yajatrā ṛtasya dhārāḥ sudughā duhānāḥ |
jyeṣṭhaṁ vo adya maha ā vasūnām ā gantana samanaso yati ṣṭha ||

evā no agne vikṣv ā daśasya tvayā vayaṁ sahasāvann āskrāḥ |
rāyā yujā sadhamādo ariṣṭā yūyam pāta svastibhiḥ sadā naḥ ||