ઋગ્વેદ · અધ્યાય 7.042

પ્ર બ્રહ્માણો અઙ્ગિરસો નક્ષન્ત પ્ર ક્રન્દનુર્ નભન્યસ્ય વેતુ ।
પ્ર ધેનવ ઉદપ્રુતો નવન્ત યુજ્યાતામ્ અદ્રી અધ્વરસ્ય પેશઃ ॥

સુગસ્ તે અગ્ને સનવિત્તો અધ્વા યુક્ષ્વા સુતે હરિતો રોહિતશ્ ચ ।
યે વા સદ્મન્ન્ અરુષા વીરવાહો હુવે દેવાનાં જનિમાનિ સત્તઃ ॥

સમ્ ઉ વો યજ્ઞમ્ મહયન્ નમોભિઃ પ્ર હોતા મન્દ્રો રિરિચ ઉપાકે ।
યજસ્વ સુ પુર્વણીક દેવાન્ આ યજ્ઞિયામ્ અરમતિં વવૃત્યાઃ ॥

યદા વીરસ્ય રેવતો દુરોણે સ્યોનશીર્ અતિથિર્ આચિકેતત્ ।
સુપ્રીતો અગ્નિઃ સુધિતો દમ આ સ વિશે દાતિ વાર્યમ્ ઇયત્યૈ ॥

ઇમં નો અગ્ને અધ્વરં જુષસ્વ મરુત્સ્વ્ ઇન્દ્રે યશસં કૃધી નઃ ।
આ નક્તા બર્હિઃ સદતામ્ ઉષાસોશન્તા મિત્રાવરુણા યજેહ ॥

એવાગ્નિં સહસ્ય1ં વસિષ્ઠો રાયસ્કામો વિશ્વપ્સ્ન્યસ્ય સ્તૌત્ ।
ઇષં રયિમ્ પપ્રથદ્ વાજમ્ અસ્મે યૂયમ્ પાત સ્વસ્તિભિઃ સદા નઃ ॥