ઋગ્વેદ · અધ્યાય 7.033

શ્વિત્યઞ્ચો મા દક્ષિણતસ્કપર્દા ધિયંજિન્વાસો અભિ હિ પ્રમન્દુઃ ।
ઉત્તિષ્ઠન્ વોચે પરિ બર્હિષો નૄન્ ન મે દૂરાદ્ અવિતવે વસિષ્ઠાઃ ॥

દૂરાદ્ ઇન્દ્રમ્ અનયન્ન્ આ સુતેન તિરો વૈશન્તમ્ અતિ પાન્તમ્ ઉગ્રમ્ ।
પાશદ્યુમ્નસ્ય વાયતસ્ય સોમાત્ સુતાદ્ ઇન્દ્રો ઽવૃણીતા વસિષ્ઠાન્ ॥

એવેન્ નુ કં સિન્ધુમ્ એભિસ્ તતારેવેન્ નુ કમ્ ભેદમ્ એભિર્ જઘાન ।
એવેન્ નુ કં દાશરાજ્ઞે સુદાસમ્ પ્રાવદ્ ઇન્દ્રો બ્રહ્મણા વો વસિષ્ઠાઃ ॥

જુષ્ટી નરો બ્રહ્મણા વઃ પિતૄણામ્ અક્ષમ્ અવ્યયં ન કિલા રિષાથ ।
યચ્ છક્વરીષુ બૃહતા રવેણેન્દ્રે શુષ્મમ્ અદધાતા વસિષ્ઠાઃ ॥

ઉદ્ દ્યામ્ ઇવેત્ તૃષ્ણજો નાથિતાસો ઽદીધયુર્ દાશરાજ્ઞે વૃતાસઃ ।
વસિષ્ઠસ્ય સ્તુવત ઇન્દ્રો અશ્રોદ્ ઉરું તૃત્સુભ્યો અકૃણોદ્ ઉ લોકમ્ ॥

દણ્ડા ઇવેદ્ ગોઅજનાસ આસન્ પરિચ્છિન્ના ભરતા અર્ભકાસઃ ।
અભવચ્ ચ પુરએતા વસિષ્ઠ આદ્ ઇત્ તૃત્સૂનાં વિશો અપ્રથન્ત ॥

ત્રયઃ કૃણ્વન્તિ ભુવનેષુ રેતસ્ તિસ્રઃ પ્રજા આર્યા જ્યોતિરગ્રાઃ ।
ત્રયો ઘર્માસ ઉષસં સચન્તે સર્વાઁ ઇત્ તાઁ અનુ વિદુર્ વસિષ્ઠાઃ ॥

સૂર્યસ્યેવ વક્ષથો જ્યોતિર્ એષાં સમુદ્રસ્યેવ મહિમા ગભીરઃ ।
વાતસ્યેવ પ્રજવો નાન્યેન સ્તોમો વસિષ્ઠા અન્વેતવે વઃ ॥

ત ઇન્ નિણ્યં હૃદયસ્ય પ્રકેતૈઃ સહસ્રવલ્શમ્ અભિ સં ચરન્તિ ।
યમેન તતમ્ પરિધિં વયન્તો ઽપ્સરસ ઉપ સેદુર્ વસિષ્ઠાઃ ॥

વિદ્યુતો જ્યોતિઃ પરિ સંજિહાનમ્ મિત્રાવરુણા યદ્ અપશ્યતાં ત્વા ।
તત્ તે જન્મોતૈકં વસિષ્ઠાગસ્ત્યો યત્ ત્વા વિશ આજભાર ॥

ઉતાસિ મૈત્રાવરુણો વસિષ્ઠોર્વશ્યા બ્રહ્મન્ મનસો ઽધિ જાતઃ ।
દ્રપ્સં સ્કન્નમ્ બ્રહ્મણા દૈવ્યેન વિશ્વે દેવાઃ પુષ્કરે ત્વાદદન્ત ॥

સ પ્રકેત ઉભયસ્ય પ્રવિદ્વાન્ સહસ્રદાન ઉત વા સદાનઃ ।
યમેન તતમ્ પરિધિં વયિષ્યન્ન્ અપ્સરસઃ પરિ જજ્ઞે વસિષ્ઠઃ ॥

સત્રે હ જાતાવ્ ઇષિતા નમોભિઃ કુમ્ભે રેતઃ સિષિચતુઃ સમાનમ્ ।
તતો હ માન ઉદ્ ઇયાય મધ્યાત્ તતો જાતમ્ ઋષિમ્ આહુર્ વસિષ્ઠમ્ ॥

ઉક્થભૃતં સામભૃતમ્ બિભર્તિ ગ્રાવાણમ્ બિભ્રત્ પ્ર વદાત્ય્ અગ્રે ।
ઉપૈનમ્ આધ્વં સુમનસ્યમાના આ વો ગચ્છાતિ પ્રતૃદો વસિષ્ઠઃ ॥