ઋગ્વેદ · અધ્યાય 7.032

મો ષુ ત્વા વાઘતશ્ ચનારે અસ્મન્ નિ રીરમન્ ।
આરાત્તાચ્ ચિત્ સધમાદં ન આ ગહીહ વા સન્ન્ ઉપ શ્રુધિ ॥

ઇમે હિ તે બ્રહ્મકૃતઃ સુતે સચા મધૌ ન મક્ષ આસતે ।
ઇન્દ્રે કામં જરિતારો વસૂયવો રથે ન પાદમ્ આ દધુઃ ॥

રાયસ્કામો વજ્રહસ્તં સુદક્ષિણમ્ પુત્રો ન પિતરં હુવે ॥

ઇમ ઇન્દ્રાય સુન્વિરે સોમાસો દધ્યાશિરઃ ।
તાઁ આ મદાય વજ્રહસ્ત પીતયે હરિભ્યાં યાહ્ય્ ઓક આ ॥

શ્રવચ્ છ્રુત્કર્ણ ઈયતે વસૂનાં નૂ ચિન્ નો મર્ધિષદ્ ગિરઃ ।
સદ્યશ્ ચિદ્ યઃ સહસ્રાણિ શતા દદન્ નકિર્ દિત્સન્તમ્ આ મિનત્ ॥

સ વીરો અપ્રતિષ્કુત ઇન્દ્રેણ શૂશુવે નૃભિઃ ।
યસ્ તે ગભીરા સવનાનિ વૃત્રહન્ સુનોત્ય્ આ ચ ધાવતિ ॥

ભવા વરૂથમ્ મઘવન્ મઘોનાં યત્ સમજાસિ શર્ધતઃ ।
વિ ત્વાહતસ્ય વેદનમ્ ભજેમહ્ય્ આ દૂણાશો ભરા ગયમ્ ॥

સુનોતા સોમપાવ્ને સોમમ્ ઇન્દ્રાય વજ્રિણે ।
પચતા પક્તીર્ અવસે કૃણુધ્વમ્ ઇત્ પૃણન્ન્ ઇત્ પૃણતે મયઃ ॥

મા સ્રેધત સોમિનો દક્ષતા મહે કૃણુધ્વં રાય આતુજે ।
તરણિર્ ઇજ્ જયતિ ક્ષેતિ પુષ્યતિ ન દેવાસઃ કવત્નવે ॥

નકિઃ સુદાસો રથમ્ પર્ય્ આસ ન રીરમત્ ।
ઇન્દ્રો યસ્યાવિતા યસ્ય મરુતો ગમત્ સ ગોમતિ વ્રજે ॥

ગમદ્ વાજં વાજયન્ન્ ઇન્દ્ર મર્ત્યો યસ્ય ત્વમ્ અવિતા ભુવઃ ।
અસ્માકમ્ બોધ્ય્ અવિતા રથાનામ્ અસ્માકં શૂર નૃણામ્ ॥

ઉદ્ ઇન્ ન્વ્ અસ્ય રિચ્યતે ઽંશો ધનં ન જિગ્યુષઃ ।
ય ઇન્દ્રો હરિવાન્ ન દભન્તિ તં રિપો દક્ષં દધાતિ સોમિનિ ॥

મન્ત્રમ્ અખર્વં સુધિતં સુપેશસં દધાત યજ્ઞિયેષ્વ્ આ ।
પૂર્વીશ્ ચન પ્રસિતયસ્ તરન્તિ તં ય ઇન્દ્રે કર્મણા ભુવત્ ॥

કસ્ તમ્ ઇન્દ્ર ત્વાવસુમ્ આ મર્ત્યો દધર્ષતિ ।
શ્રદ્ધા ઇત્ તે મઘવન્ પાર્યે દિવિ વાજી વાજં સિષાસતિ ॥

મઘોનઃ સ્મ વૃત્રહત્યેષુ ચોદય યે દદતિ પ્રિયા વસુ ।
તવ પ્રણીતી હર્યશ્વ સૂરિભિર્ વિશ્વા તરેમ દુરિતા ॥

તવેદ્ ઇન્દ્રાવમં વસુ ત્વમ્ પુષ્યસિ મધ્યમમ્ ।
સત્રા વિશ્વસ્ય પરમસ્ય રાજસિ નકિષ્ ટ્વા ગોષુ વૃણ્વતે ॥

ત્વં વિશ્વસ્ય ધનદા અસિ શ્રુતો ય ઈમ્ ભવન્ત્ય્ આજયઃ ।
તવાયં વિશ્વઃ પુરુહૂત પાર્થિવો ઽવસ્યુર્ નામ ભિક્ષતે ॥

યદ્ ઇન્દ્ર યાવતસ્ ત્વમ્ એતાવદ્ અહમ્ ઈશીય ।
સ્તોતારમ્ ઇદ્ દિધિષેય રદાવસો ન પાપત્વાય રાસીય ॥

શિક્ષેયમ્ ઇન્ મહયતે દિવે-દિવે રાય આ કુહચિદ્વિદે ।
નહિ ત્વદ્ અન્યન્ મઘવન્ ન આપ્યં વસ્યો અસ્તિ પિતા ચન ॥

તરણિર્ ઇત્ સિષાસતિ વાજમ્ પુરંધ્યા યુજા ।
આ વ ઇન્દ્રમ્ પુરુહૂતં નમે ગિરા નેમિં તષ્ટેવ સુદ્ર્વમ્ ॥

ન દુષ્ટુતી મર્ત્યો વિન્દતે વસુ ન સ્રેધન્તં રયિર્ નશત્ ।
સુશક્તિર્ ઇન્ મઘવન્ તુભ્યમ્ માવતે દેષ્ણં યત્ પાર્યે દિવિ ॥

અભિ ત્વા શૂર નોનુમો ઽદુગ્ધા ઇવ ધેનવઃ ।
ઈશાનમ્ અસ્ય જગતઃ સ્વર્દૃશમ્ ઈશાનમ્ ઇન્દ્ર તસ્થુષઃ ॥

ન ત્વાવાઁ અન્યો દિવ્યો ન પાર્થિવો ન જાતો ન જનિષ્યતે ।
અશ્વાયન્તો મઘવન્ન્ ઇન્દ્ર વાજિનો ગવ્યન્તસ્ ત્વા હવામહે ॥

અભી ષતસ્ તદ્ આ ભરેન્દ્ર જ્યાયઃ કનીયસઃ ।
પુરૂવસુર્ હિ મઘવન્ સનાદ્ અસિ ભરે-ભરે ચ હવ્યઃ ॥

પરા ણુદસ્વ મઘવન્ન્ અમિત્રાન્ સુવેદા નો વસૂ કૃધિ ।
અસ્માકમ્ બોધ્ય્ અવિતા મહાધને ભવા વૃધઃ સખીનામ્ ॥

ઇન્દ્ર ક્રતું ન આ ભર પિતા પુત્રેભ્યો યથા ।
શિક્ષા ણો અસ્મિન્ પુરુહૂત યામનિ જીવા જ્યોતિર્ અશીમહિ ॥

મા નો અજ્ઞાતા વૃજના દુરાધ્યો3 માશિવાસો અવ ક્રમુઃ ।
ત્વયા વયમ્ પ્રવતઃ શશ્વતીર્ અપો ઽતિ શૂર તરામસિ ॥