ઋગ્વેદ · અધ્યાય 7.024

યોનિષ્ ટ ઇન્દ્ર સદને અકારિ તમ્ આ નૃભિઃ પુરુહૂત પ્ર યાહિ ।
અસો યથા નો ઽવિતા વૃધે ચ દદો વસૂનિ મમદશ્ ચ સોમૈઃ ॥

ગૃભીતં તે મન ઇન્દ્ર દ્વિબર્હાઃ સુતઃ સોમઃ પરિષિક્તા મધૂનિ ।
વિસૃષ્ટધેના ભરતે સુવૃક્તિર્ ઇયમ્ ઇન્દ્રં જોહુવતી મનીષા ॥

આ નો દિવ આ પૃથિવ્યા ઋજીષિન્ન્ ઇદમ્ બર્હિઃ સોમપેયાય યાહિ ।
વહન્તુ ત્વા હરયો મદ્ર્યઞ્ચમ્ આઙ્ગૂષમ્ અચ્છા તવસમ્ મદાય ॥

આ નો વિશ્વાભિર્ ઊતિભિઃ સજોષા બ્રહ્મ જુષાણો હર્યશ્વ યાહિ ।
વરીવૃજત્ સ્થવિરેભિઃ સુશિપ્રાસ્મે દધદ્ વૃષણં શુષ્મમ્ ઇન્દ્ર ॥

એષ સ્તોમો મહ ઉગ્રાય વાહે ધુરી3વાત્યો ન વાજયન્ન્ અધાયિ ।
ઇન્દ્ર ત્વાયમ્ અર્ક ઈટ્ટે વસૂનાં દિવીવ દ્યામ્ અધિ નઃ શ્રોમતં ધાઃ ॥

એવા ન ઇન્દ્ર વાર્યસ્ય પૂર્ધિ પ્ર તે મહીં સુમતિં વેવિદામ ।
ઇષમ્ પિન્વ મઘવદ્ભ્યઃ સુવીરાં યૂયમ્ પાત સ્વસ્તિભિઃ સદા નઃ ॥