ઋગ્વેદ · અધ્યાય 7.023

ઉદ્ ઉ બ્રહ્માણ્ય્ ઐરત શ્રવસ્યેન્દ્રં સમર્યે મહયા વસિષ્ઠ ।
આ યો વિશ્વાનિ શવસા તતાનોપશ્રોતા મ ઈવતો વચાંસિ ॥

અયામિ ઘોષ ઇન્દ્ર દેવજામિર્ ઇરજ્યન્ત યચ્ છુરુધો વિવાચિ ।
નહિ સ્વમ્ આયુશ્ ચિકિતે જનેષુ તાનીદ્ અંહાંસ્ય્ અતિ પર્ષ્ય્ અસ્માન્ ॥

યુજે રથં ગવેષણં હરિભ્યામ્ ઉપ બ્રહ્માણિ જુજુષાણમ્ અસ્થુઃ ।
વિ બાધિષ્ટ સ્ય રોદસી મહિત્વેન્દ્રો વૃત્રાણ્ય્ અપ્રતી જઘન્વાન્ ॥

આપશ્ ચિત્ પિપ્યુઃ સ્તર્યો3 ન ગાવો નક્ષન્ન્ ઋતં જરિતારસ્ ત ઇન્દ્ર ।
યાહિ વાયુર્ ન નિયુતો નો અચ્છા ત્વં હિ ધીભિર્ દયસે વિ વાજાન્ ॥

તે ત્વા મદા ઇન્દ્ર માદયન્તુ શુષ્મિણં તુવિરાધસં જરિત્રે ।
એકો દેવત્રા દયસે હિ મર્તાન્ અસ્મિઞ્ છૂર સવને માદયસ્વ ॥

એવેદ્ ઇન્દ્રં વૃષણં વજ્રબાહું વસિષ્ઠાસો અભ્ય્ અર્ચન્ત્ય્ અર્કૈઃ ।
સ નઃ સ્તુતો વીરવદ્ ધાતુ ગોમદ્ યૂયમ્ પાત સ્વસ્તિભિઃ સદા નઃ ॥