ઋગ્વેદ · અધ્યાય 7.010

ઉષો ન જારઃ પૃથુ પાજો અશ્રેદ્ દવિદ્યુતદ્ દીદ્યચ્ છોશુચાનઃ ।
વૃષા હરિઃ શુચિર્ આ ભાતિ ભાસા ધિયો હિન્વાન ઉશતીર્ અજીગઃ ॥

સ્વ1ર્ ણ વસ્તોર્ ઉષસામ્ અરોચિ યજ્ઞં તન્વાના ઉશિજો ન મન્મ ।
અગ્નિર્ જન્માનિ દેવ આ વિ વિદ્વાન્ દ્રવદ્ દૂતો દેવયાવા વનિષ્ઠઃ ॥

અચ્છા ગિરો મતયો દેવયન્તીર્ અગ્નિં યન્તિ દ્રવિણમ્ ભિક્ષમાણાઃ ।
સુસંદૃશં સુપ્રતીકં સ્વઞ્ચં હવ્યવાહમ્ અરતિમ્ માનુષાણામ્ ॥

ઇન્દ્રં નો અગ્ને વસુભિઃ સજોષા રુદ્રં રુદ્રેભિર્ આ વહા બૃહન્તમ્ ।
આદિત્યેભિર્ અદિતિં વિશ્વજન્યામ્ બૃહસ્પતિમ્ ઋક્વભિર્ વિશ્વવારમ્ ॥

મન્દ્રં હોતારમ્ ઉશિજો યવિષ્ઠમ્ અગ્નિં વિશ ઈળતે અધ્વરેષુ ।
સ હિ ક્ષપાવાઁ અભવદ્ રયીણામ્ અતન્દ્રો દૂતો યજથાય દેવાન્ ॥