ઋગ્વેદ · અધ્યાય 6.068

શ્રુષ્ટી વાં યજ્ઞ ઉદ્યતઃ સજોષા મનુષ્વદ્ વૃક્તબર્હિષો યજધ્યૈ ।
આ ય ઇન્દ્રાવરુણાવ્ ઇષે અદ્ય મહે સુમ્નાય મહ આવવર્તત્ ॥

તા હિ શ્રેષ્ઠા દેવતાતા તુજા શૂરાણાં શવિષ્ઠા તા હિ ભૂતમ્ ।
મઘોનામ્ મંહિષ્ઠા તુવિશુષ્મ ઋતેન વૃત્રતુરા સર્વસેના ॥

તા ગૃણીહિ નમસ્યેભિઃ શૂષૈઃ સુમ્નેભિર્ ઇન્દ્રાવરુણા ચકાના ।
વજ્રેણાન્યઃ શવસા હન્તિ વૃત્રં સિષક્ત્ય્ અન્યો વૃજનેષુ વિપ્રઃ ॥

ગ્નાશ્ ચ યન્ નરશ્ ચ વાવૃધન્ત વિશ્વે દેવાસો નરાં સ્વગૂર્તાઃ ।
પ્રૈભ્ય ઇન્દ્રાવરુણા મહિત્વા દ્યૌશ્ ચ પૃથિવિ ભૂતમ્ ઉર્વી ॥

સ ઇત્ સુદાનુઃ સ્વવાઁ ઋતાવેન્દ્રા યો વાં વરુણ દાશતિ ત્મન્ ।
ઇષા સ દ્વિષસ્ તરેદ્ દાસ્વાન્ વંસદ્ રયિં રયિવતશ્ ચ જનાન્ ॥

યં યુવં દાશ્વધ્વરાય દેવા રયિં ધત્થો વસુમન્તમ્ પુરુક્ષુમ્ ।
અસ્મે સ ઇન્દ્રાવરુણાવ્ અપિ ષ્યાત્ પ્ર યો ભનક્તિ વનુષામ્ અશસ્તીઃ ॥

ઉત નઃ સુત્રાત્રો દેવગોપાઃ સૂરિભ્ય ઇન્દ્રાવરુણા રયિઃ ષ્યાત્ ।
યેષાં શુષ્મઃ પૃતનાસુ સાહ્વાન્ પ્ર સદ્યો દ્યુમ્ના તિરતે તતુરિઃ ॥

નૂ ન ઇન્દ્રાવરુણા ગૃણાના પૃઙ્ક્તં રયિં સૌશ્રવસાય દેવા ।
ઇત્થા ગૃણન્તો મહિનસ્ય શર્ધો ઽપો ન નાવા દુરિતા તરેમ ॥

પ્ર સમ્રાજે બૃહતે મન્મ નુ પ્રિયમ્ અર્ચ દેવાય વરુણાય સપ્રથઃ ।
અયં ય ઉર્વી મહિના મહિવ્રતઃ ક્રત્વા વિભાત્ય્ અજરો ન શોચિષા ॥

ઇન્દ્રાવરુણા સુતપાવ્ ઇમં સુતં સોમમ્ પિબતમ્ મદ્યં ધૃતવ્રતા ।
યુવો રથો અધ્વરં દેવવીતયે પ્રતિ સ્વસરમ્ ઉપ યાતિ પીતયે ॥

ઇન્દ્રાવરુણા મધુમત્તમસ્ય વૃષ્ણઃ સોમસ્ય વૃષણા વૃષેથામ્ ।
ઇદં વામ્ અન્ધઃ પરિષિક્તમ્ અસ્મે આસદ્યાસ્મિન્ બર્હિષિ માદયેથામ્ ॥