ઋગ્વેદ · અધ્યાય 5.078

અશ્વિનાવ્ એહ ગચ્છતં નાસત્યા મા વિ વેનતમ્ ।
હંસાવ્ ઇવ પતતમ્ આ સુતાઁ ઉપ ॥

અશ્વિના હરિણાવ્ ઇવ ગૌરાવ્ ઇવાનુ યવસમ્ ।
હંસાવ્ ઇવ પતતમ્ આ સુતાઁ ઉપ ॥

અશ્વિના વાજિનીવસૂ જુષેથાં યજ્ઞમ્ ઇષ્ટયે ।
હંસાવ્ ઇવ પતતમ્ આ સુતાઁ ઉપ ॥

અત્રિર્ યદ્ વામ્ અવરોહન્ન્ ઋબીસમ્ અજોહવીન્ નાધમાનેવ યોષા ।
શ્યેનસ્ય ચિજ્ જવસા નૂતનેનાગચ્છતમ્ અશ્વિના શંતમેન ॥

વિ જિહીષ્વ વનસ્પતે યોનિઃ સૂષ્યન્ત્યા ઇવ ।
શ્રુતમ્ મે અશ્વિના હવં સપ્તવધ્રિં ચ મુઞ્ચતમ્ ॥

ભીતાય નાધમાનાય ઋષયે સપ્તવધ્રયે ।
માયાભિર્ અશ્વિના યુવં વૃક્ષં સં ચ વિ ચાચથઃ ॥

યથા વાતઃ પુષ્કરિણીં સમિઙ્ગયતિ સર્વતઃ ।
એવા તે ગર્ભ એજતુ નિરૈતુ દશમાસ્યઃ ॥

યથા વાતો યથા વનં યથા સમુદ્ર એજતિ ।
એવા ત્વં દશમાસ્ય સહાવેહિ જરાયુણા ॥

દશ માસાઞ્ છશયાનઃ કુમારો અધિ માતરિ ।
નિરૈતુ જીવો અક્ષતો જીવો જીવન્ત્યા અધિ ॥