ઋગ્વેદ · અધ્યાય 5.077

પ્રાતર્યાવાણા પ્રથમા યજધ્વમ્ પુરા ગૃધ્રાદ્ અરરુષઃ પિબાતઃ ।
પ્રાતર્ હિ યજ્ઞમ્ અશ્વિના દધાતે પ્ર શંસન્તિ કવયઃ પૂર્વભાજઃ ॥

પ્રાતર્ યજધ્વમ્ અશ્વિના હિનોત ન સાયમ્ અસ્તિ દેવયા અજુષ્ટમ્ ।
ઉતાન્યો અસ્મદ્ યજતે વિ ચાવઃ પૂર્વઃ-પૂર્વો યજમાનો વનીયાન્ ॥

હિરણ્યત્વઙ્ મધુવર્ણો ઘૃતસ્નુઃ પૃક્ષો વહન્ન્ આ રથો વર્તતે વામ્ ।
મનોજવા અશ્વિના વાતરંહા યેનાતિયાથો દુરિતાનિ વિશ્વા ॥

યો ભૂયિષ્ઠં નાસત્યાભ્યાં વિવેષ ચનિષ્ઠમ્ પિત્વો રરતે વિભાગે ।
સ તોકમ્ અસ્ય પીપરચ્ છમીભિર્ અનૂર્ધ્વભાસઃ સદમ્ ઇત્ તુતુર્યાત્ ॥

સમ્ અશ્વિનોર્ અવસા નૂતનેન મયોભુવા સુપ્રણીતી ગમેમ ।
આ નો રયિં વહતમ્ ઓત વીરાન્ આ વિશ્વાન્ય્ અમૃતા સૌભગાનિ ॥