ઋગ્વેદ · અધ્યાય 5.075

પ્રતિ પ્રિયતમં રથં વૃષણં વસુવાહનમ્ ।
સ્તોતા વામ્ અશ્વિનાવ્ ઋષિઃ સ્તોમેન પ્રતિ ભૂષતિ માધ્વી મમ શ્રુતં હવમ્ ॥

અત્યાયાતમ્ અશ્વિના તિરો વિશ્વા અહં સના ।
દસ્રા હિરણ્યવર્તની સુષુમ્ના સિન્ધુવાહસા માધ્વી મમ શ્રુતં હવમ્ ॥

આ નો રત્નાનિ બિભ્રતાવ્ અશ્વિના ગચ્છતં યુવમ્ ।
રુદ્રા હિરણ્યવર્તની જુષાણા વાજિનીવસૂ માધ્વી મમ શ્રુતં હવમ્ ॥

સુષ્ટુભો વાં વૃષણ્વસૂ રથે વાણીચ્ય્ આહિતા ।
ઉત વાં કકુહો મૃગઃ પૃક્ષઃ કૃણોતિ વાપુષો માધ્વી મમ શ્રુતં હવમ્ ॥

બોધિન્મનસા રથ્યેષિરા હવનશ્રુતા ।
વિભિશ્ ચ્યવાનમ્ અશ્વિના નિ યાથો અદ્વયાવિનમ્ માધ્વી મમ શ્રુતં હવમ્ ॥

આ વાં નરા મનોયુજો ઽશ્વાસઃ પ્રુષિતપ્સવઃ ।
વયો વહન્તુ પીતયે સહ સુમ્નેભિર્ અશ્વિના માધ્વી મમ શ્રુતં હવમ્ ॥

અશ્વિનાવ્ એહ ગચ્છતં નાસત્યા મા વિ વેનતમ્ ।
તિરશ્ ચિદ્ અર્યયા પરિ વર્તિર્ યાતમ્ અદાભ્યા માધ્વી મમ શ્રુતં હવમ્ ॥

અસ્મિન્ યજ્ઞે અદાભ્યા જરિતારં શુભસ્ પતી ।
અવસ્યુમ્ અશ્વિના યુવં ગૃણન્તમ્ ઉપ ભૂષથો માધ્વી મમ શ્રુતં હવમ્ ॥

અભૂદ્ ઉષા રુશત્પશુર્ આગ્નિર્ અધાય્ય્ ઋત્વિયઃ ।
અયોજિ વાં વૃષણ્વસૂ રથો દસ્રાવ્ અમર્ત્યો માધ્વી મમ શ્રુતં હવમ્ ॥