ઋગ્વેદ · અધ્યાય 5.076

આ ભાત્ય્ અગ્નિર્ ઉષસામ્ અનીકમ્ ઉદ્ વિપ્રાણાં દેવયા વાચો અસ્થુઃ ।
અર્વાઞ્ચા નૂનં રથ્યેહ યાતમ્ પીપિવાંસમ્ અશ્વિના ઘર્મમ્ અચ્છ ॥

ન સંસ્કૃતમ્ પ્ર મિમીતો ગમિષ્ઠાન્તિ નૂનમ્ અશ્વિનોપસ્તુતેહ ।
દિવાભિપિત્વે ઽવસાગમિષ્ઠા પ્રત્ય્ અવર્તિં દાશુષે શમ્ભવિષ્ઠા ॥

ઉતા યાતં સંગવે પ્રાતર્ અહ્નો મધ્યંદિન ઉદિતા સૂર્યસ્ય ।
દિવા નક્તમ્ અવસા શંતમેન નેદાનીમ્ પીતિર્ અશ્વિના તતાન ॥

ઇદં હિ વામ્ પ્રદિવિ સ્થાનમ્ ઓક ઇમે ગૃહા અશ્વિનેદં દુરોણમ્ ।
આ નો દિવો બૃહતઃ પર્વતાદ્ આદ્ભ્યો યાતમ્ ઇષમ્ ઊર્જં વહન્તા ॥

સમ્ અશ્વિનોર્ અવસા નૂતનેન મયોભુવા સુપ્રણીતી ગમેમ ।
આ નો રયિં વહતમ્ ઓત વીરાન્ આ વિશ્વાન્ય્ અમૃતા સૌભગાનિ ॥