ઋગ્વેદ · અધ્યાય 5.074

કૂષ્ઠો દેવાવ્ અશ્વિનાદ્યા દિવો મનાવસૂ ।
તચ્ છ્રવથો વૃષણ્વસૂ અત્રિર્ વામ્ આ વિવાસતિ ॥

કુહ ત્યા કુહ નુ શ્રુતા દિવિ દેવા નાસત્યા ।
કસ્મિન્ન્ આ યતથો જને કો વાં નદીનાં સચા ॥

કં યાથઃ કં હ ગચ્છથઃ કમ્ અચ્છા યુઞ્જાથે રથમ્ ।
કસ્ય બ્રહ્માણિ રણ્યથો વયં વામ્ ઉશ્મસીષ્ટયે ॥

પૌરં ચિદ્ ધ્ય્ ઉદપ્રુતમ્ પૌર પૌરાય જિન્વથઃ ।
યદ્ ઈં ગૃભીતતાતયે સિંહમ્ ઇવ દ્રુહસ્ પદે ॥

પ્ર ચ્યવાનાજ્ જુજુરુષો વવ્રિમ્ અત્કં ન મુઞ્ચથઃ ।
યુવા યદી કૃથઃ પુનર્ આ કામમ્ ઋણ્વે વધ્વઃ ॥

અસ્તિ હિ વામ્ ઇહ સ્તોતા સ્મસિ વાં સંદૃશિ શ્રિયે ।
નૂ શ્રુતમ્ મ આ ગતમ્ અવોભિર્ વાજિનીવસૂ ॥

કો વામ્ અદ્ય પુરૂણામ્ આ વવ્ને મર્ત્યાનામ્ ।
કો વિપ્રો વિપ્રવાહસા કો યજ્ઞૈર્ વાજિનીવસૂ ॥

આ વાં રથો રથાનાં યેષ્ઠો યાત્વ્ અશ્વિના ।
પુરૂ ચિદ્ અસ્મયુસ્ તિર આઙ્ગૂષો મર્ત્યેષ્વ્ આ ॥

શમ્ ઊ ષુ વામ્ મધૂયુવાસ્માકમ્ અસ્તુ ચર્કૃતિઃ ।
અર્વાચીના વિચેતસા વિભિઃ શ્યેનેવ દીયતમ્ ॥

અશ્વિના યદ્ ધ કર્હિ ચિચ્ છુશ્રૂયાતમ્ ઇમં હવમ્ ।
વસ્વીર્ ઊ ષુ વામ્ ભુજઃ પૃઞ્ચન્તિ સુ વામ્ પૃચઃ ॥