ઋગ્વેદ · અધ્યાય 5.062

ઋતેન ઋતમ્ અપિહિતં ધ્રુવં વાં સૂર્યસ્ય યત્ર વિમુચન્ત્ય્ અશ્વાન્ ।
દશ શતા સહ તસ્થુસ્ તદ્ એકં દેવાનાં શ્રેષ્ઠં વપુષામ્ અપશ્યમ્ ॥

તત્ સુ વામ્ મિત્રાવરુણા મહિત્વમ્ ઈર્મા તસ્થુષીર્ અહભિર્ દુદુહ્રે ।
વિશ્વાઃ પિન્વથઃ સ્વસરસ્ય ધેના અનુ વામ્ એકઃ પવિર્ આ વવર્ત ॥

અધારયતમ્ પૃથિવીમ્ ઉત દ્યામ્ મિત્રરાજાના વરુણા મહોભિઃ ।
વર્ધયતમ્ ઓષધીઃ પિન્વતં ગા અવ વૃષ્ટિં સૃજતં જીરદાનૂ ॥

આ વામ્ અશ્વાસઃ સુયુજો વહન્તુ યતરશ્મય ઉપ યન્ત્વ્ અર્વાક્ ।
ઘૃતસ્ય નિર્ણિગ્ અનુ વર્તતે વામ્ ઉપ સિન્ધવઃ પ્રદિવિ ક્ષરન્તિ ॥

અનુ શ્રુતામ્ અમતિં વર્ધદ્ ઉર્વીમ્ બર્હિર્ ઇવ યજુષા રક્ષમાણા ।
નમસ્વન્તા ધૃતદક્ષાધિ ગર્તે મિત્રાસાથે વરુણેળાસ્વ્ અન્તઃ ॥

અક્રવિહસ્તા સુકૃતે પરસ્પા યં ત્રાસાથે વરુણેળાસ્વ્ અન્તઃ ।
રાજાના ક્ષત્રમ્ અહૃણીયમાના સહસ્રસ્થૂણમ્ બિભૃથઃ સહ દ્વૌ ॥

હિરણ્યનિર્ણિગ્ અયો અસ્ય સ્થૂણા વિ ભ્રાજતે દિવ્ય્ અ1શ્વાજનીવ ।
ભદ્રે ક્ષેત્રે નિમિતા તિલ્વિલે વા સનેમ મધ્વો અધિગર્ત્યસ્ય ॥

હિરણ્યરૂપમ્ ઉષસો વ્યુષ્ટાવ્ અયઃસ્થૂણમ્ ઉદિતા સૂર્યસ્ય ।
આ રોહથો વરુણ મિત્ર ગર્તમ્ અતશ્ ચક્ષાથે અદિતિં દિતિં ચ ॥

યદ્ બંહિષ્ઠં નાતિવિધે સુદાનૂ અચ્છિદ્રં શર્મ ભુવનસ્ય ગોપા ।
તેન નો મિત્રાવરુણાવ્ અવિષ્ટં સિષાસન્તો જિગીવાંસઃ સ્યામ ॥