ઋગ્વેદ · અધ્યાય 5.063

ઋતસ્ય ગોપાવ્ અધિ તિષ્ઠથો રથં સત્યધર્માણા પરમે વ્યોમનિ ।
યમ્ અત્ર મિત્રાવરુણાવથો યુવં તસ્મૈ વૃષ્ટિર્ મધુમત્ પિન્વતે દિવઃ ॥

સમ્રાજાવ્ અસ્ય ભુવનસ્ય રાજથો મિત્રાવરુણા વિદથે સ્વર્દૃશા ।
વૃષ્ટિં વાં રાધો અમૃતત્વમ્ ઈમહે દ્યાવાપૃથિવી વિ ચરન્તિ તન્યવઃ ॥

સમ્રાજા ઉગ્રા વૃષભા દિવસ્ પતી પૃથિવ્યા મિત્રાવરુણા વિચર્ષણી ।
ચિત્રેભિર્ અભ્રૈર્ ઉપ તિષ્ઠથો રવં દ્યાં વર્ષયથો અસુરસ્ય માયયા ॥

માયા વામ્ મિત્રાવરુણા દિવિ શ્રિતા સૂર્યો જ્યોતિશ્ ચરતિ ચિત્રમ્ આયુધમ્ ।
તમ્ અભ્રેણ વૃષ્ટ્યા ગૂહથો દિવિ પર્જન્ય દ્રપ્સા મધુમન્ત ઈરતે ॥

રથં યુઞ્જતે મરુતઃ શુભે સુખં શૂરો ન મિત્રાવરુણા ગવિષ્ટિષુ ।
રજાંસિ ચિત્રા વિ ચરન્તિ તન્યવો દિવઃ સમ્રાજા પયસા ન ઉક્ષતમ્ ॥

વાચં સુ મિત્રાવરુણાવ્ ઇરાવતીમ્ પર્જન્યશ્ ચિત્રાં વદતિ ત્વિષીમતીમ્ ।
અભ્રા વસત મરુતઃ સુ માયયા દ્યાં વર્ષયતમ્ અરુણામ્ અરેપસમ્ ॥

ધર્મણા મિત્રાવરુણા વિપશ્ચિતા વ્રતા રક્ષેથે અસુરસ્ય માયયા ।
ઋતેન વિશ્વમ્ ભુવનં વિ રાજથઃ સૂર્યમ્ આ ધત્થો દિવિ ચિત્ર્યં રથમ્ ॥