ઋગ્વેદ · અધ્યાય 5.055

પ્રયજ્યવો મરુતો ભ્રાજદૃષ્ટયો બૃહદ્ વયો દધિરે રુક્મવક્ષસઃ ।
ઈયન્તે અશ્વૈઃ સુયમેભિર્ આશુભિઃ શુભં યાતામ્ અનુ રથા અવૃત્સત ॥

સ્વયં દધિધ્વે તવિષીં યથા વિદ બૃહન્ મહાન્ત ઉર્વિયા વિ રાજથ ।
ઉતાન્તરિક્ષમ્ મમિરે વ્ય્ ઓજસા શુભં યાતામ્ અનુ રથા અવૃત્સત ॥

સાકં જાતાઃ સુભ્વઃ સાકમ્ ઉક્ષિતાઃ શ્રિયે ચિદ્ આ પ્રતરં વાવૃધુર્ નરઃ ।
વિરોકિણઃ સૂર્યસ્યેવ રશ્મયઃ શુભં યાતામ્ અનુ રથા અવૃત્સત ॥

આભૂષેણ્યં વો મરુતો મહિત્વનં દિદૃક્ષેણ્યં સૂર્યસ્યેવ ચક્ષણમ્ ।
ઉતો અસ્માઁ અમૃતત્વે દધાતન શુભં યાતામ્ અનુ રથા અવૃત્સત ॥

ઉદ્ ઈરયથા મરુતઃ સમુદ્રતો યૂયં વૃષ્ટિં વર્ષયથા પુરીષિણઃ ।
ન વો દસ્રા ઉપ દસ્યન્તિ ધેનવઃ શુભં યાતામ્ અનુ રથા અવૃત્સત ॥

યદ્ અશ્વાન્ ધૂર્ષુ પૃષતીર્ અયુગ્ધ્વં હિરણ્યયાન્ પ્રત્ય્ અત્કાઁ અમુગ્ધ્વમ્ ।
વિશ્વા ઇત્ સ્પૃધો મરુતો વ્ય્ અસ્યથ શુભં યાતામ્ અનુ રથા અવૃત્સત ॥

ન પર્વતા ન નદ્યો વરન્ત વો યત્રાચિધ્વમ્ મરુતો ગચ્છથેદ્ ઉ તત્ ।
ઉત દ્યાવાપૃથિવી યાથના પરિ શુભં યાતામ્ અનુ રથા અવૃત્સત ॥

યત્ પૂર્વ્યમ્ મરુતો યચ્ ચ નૂતનં યદ્ ઉદ્યતે વસવો યચ્ ચ શસ્યતે ।
વિશ્વસ્ય તસ્ય ભવથા નવેદસઃ શુભં યાતામ્ અનુ રથા અવૃત્સત ॥

મૃળત નો મરુતો મા વધિષ્ટનાસ્મભ્યં શર્મ બહુલં વિ યન્તન ।
અધિ સ્તોત્રસ્ય સખ્યસ્ય ગાતન શુભં યાતામ્ અનુ રથા અવૃત્સત ॥

યૂયમ્ અસ્માન્ નયત વસ્યો અચ્છા નિર્ અંહતિભ્યો મરુતો ગૃણાનાઃ ।
જુષધ્વં નો હવ્યદાતિં યજત્રા વયં સ્યામ પતયો રયીણામ્ ॥