ઋગ્વેદ · અધ્યાય 5.043

આ ધેનવઃ પયસા તૂર્ણ્યર્થા અમર્ધન્તીર્ ઉપ નો યન્તુ મધ્વા ।
મહો રાયે બૃહતીઃ સપ્ત વિપ્રો મયોભુવો જરિતા જોહવીતિ ॥

આ સુષ્ટુતી નમસા વર્તયધ્યૈ દ્યાવા વાજાય પૃથિવી અમૃધ્રે ।
પિતા માતા મધુવચાઃ સુહસ્તા ભરે-ભરે નો યશસાવ્ અવિષ્ટામ્ ॥

અધ્વર્યવશ્ ચકૃવાંસો મધૂનિ પ્ર વાયવે ભરત ચારુ શુક્રમ્ ।
હોતેવ નઃ પ્રથમઃ પાહ્ય્ અસ્ય દેવ મધ્વો રરિમા તે મદાય ॥

દશ ક્ષિપો યુઞ્જતે બાહૂ અદ્રિં સોમસ્ય યા શમિતારા સુહસ્તા ।
મધ્વો રસં સુગભસ્તિર્ ગિરિષ્ઠાં ચનિશ્ચદદ્ દુદુહે શુક્રમ્ અંશુઃ ॥

અસાવિ તે જુજુષાણાય સોમઃ ક્રત્વે દક્ષાય બૃહતે મદાય ।
હરી રથે સુધુરા યોગે અર્વાગ્ ઇન્દ્ર પ્રિયા કૃણુહિ હૂયમાનઃ ॥

આ નો મહીમ્ અરમતિં સજોષા ગ્નાં દેવીં નમસા રાતહવ્યામ્ ।
મધોર્ મદાય બૃહતીમ્ ઋતજ્ઞામ્ આગ્ને વહ પથિભિર્ દેવયાનૈઃ ॥

અઞ્જન્તિ યમ્ પ્રથયન્તો ન વિપ્રા વપાવન્તં નાગ્નિના તપન્તઃ ।
પિતુર્ ન પુત્ર ઉપસિ પ્રેષ્ઠ આ ઘર્મો અગ્નિમ્ ઋતયન્ન્ અસાદિ ॥

અચ્છા મહી બૃહતી શંતમા ગીર્ દૂતો ન ગન્ત્વ્ અશ્વિના હુવધ્યૈ ।
મયોભુવા સરથા યાતમ્ અર્વાગ્ ગન્તં નિધિં ધુરમ્ આણિર્ ન નાભિમ્ ॥

પ્ર તવ્યસો નમüક્તિં તુરસ્યાહમ્ પૂષ્ણ ઉત વાયોર્ અદિક્ષિ ।
યા રાધસા ચોદિતારા મતીનાં યા વાજસ્ય દ્રવિણોદા ઉત ત્મન્ ॥

આ નામભિર્ મરુતો વક્ષિ વિશ્વાન્ આ રૂપેભિર્ જાતવેદો હુવાનઃ ।
યજ્ઞં ગિરો જરિતુઃ સુષ્ટુતિં ચ વિશ્વે ગન્ત મરુતો વિશ્વ ઊતી ॥

આ નો દિવો બૃહતઃ પર્વતાદ્ આ સરસ્વતી યજતા ગન્તુ યજ્ઞમ્ ।
હવં દેવી જુજુષાણા ઘૃતાચી શગ્માં નો વાચમ્ ઉશતી શૃણોતુ ॥

આ વેધસં નીલપૃષ્ઠમ્ બૃહન્તમ્ બૃહસ્પતિં સદને સાદયધ્વમ્ ।
સાદદ્યોનિં દમ આ દીદિવાંસં હિરણ્યવર્ણમ્ અરુષં સપેમ ॥

આ ધર્ણસિર્ બૃહદ્દિવો રરાણો વિશ્વેભિર્ ગન્ત્વ્ ઓમભિર્ હુવાનઃ ।
ગ્ના વસાન ઓષધીર્ અમૃધ્રસ્ ત્રિધાતુશૃઙ્ગો વૃષભો વયોધાઃ ॥

માતુષ્ પદે પરમે શુક્ર આયોર્ વિપન્યવો રાસ્પિરાસો અગ્મન્ ।
સુશેવ્યં નમસા રાતહવ્યાઃ શિશુમ્ મૃજન્ત્ય્ આયવો ન વાસે ॥

બૃહદ્ વયો બૃહતે તુભ્યમ્ અગ્ને ધિયાજુરો મિથુનાસઃ સચન્ત ।
દેવો-દેવઃ સુહવો ભૂતુ મહ્યમ્ મા નો માતા પૃથિવી દુર્મતૌ ધાત્ ॥

ઉરૌ દેવા અનિબાધે સ્યામ ॥

સમ્ અશ્વિનોર્ અવસા નૂતનેન મયોભુવા સુપ્રણીતી ગમેમ ।
આ નો રયિં વહતમ્ ઓત વીરાન્ આ વિશ્વાન્ય્ અમૃતા સૌભગાનિ ॥