ઋગ્વેદ · અધ્યાય 5.042

પ્ર શંતમા વરુણં દીધિતી ગીર્ મિત્રમ્ ભગમ્ અદિતિં નૂનમ્ અશ્યાઃ ।
પૃષદ્યોનિઃ પઞ્ચહોતા શૃણોત્વ્ અતૂર્તપન્થા અસુરો મયોભુઃ ॥

પ્રતિ મે સ્તોમમ્ અદિતિર્ જગૃભ્યાત્ સૂનું ન માતા હૃદ્યં સુશેવમ્ ।
બ્રહ્મ પ્રિયં દેવહિતં યદ્ અસ્ત્ય્ અહમ્ મિત્રે વરુણે યન્ મયોભુ ॥

ઉદ્ ઈરય કવિતમં કવીનામ્ ઉનત્તૈનમ્ અભિ મધ્વા ઘૃતેન ।
સ નો વસૂનિ પ્રયતા હિતાનિ ચન્દ્રાણિ દેવઃ સવિતા સુવાતિ ॥

સમ્ ઇન્દ્ર ણો મનસા નેષિ ગોભિઃ સં સૂરિભિર્ હરિવઃ સં સ્વસ્તિ ।
સમ્ બ્રહ્મણા દેવહિતં યદ્ અસ્તિ સં દેવાનાં સુમત્યા યજ્ઞિયાનામ્ ॥

દેવો ભગઃ સવિતા રાયો અંશ ઇન્દ્રો વૃત્રસ્ય સંજિતો ધનાનામ્ ।
ઋભુક્ષા વાજ ઉત વા પુરંધિર્ અવન્તુ નો અમૃતાસસ્ તુરાસઃ ॥

મરુત્વતો અપ્રતીતસ્ય જિષ્ણોર્ અજૂર્યતઃ પ્ર બ્રવામા કૃતાનિ ।
ન તે પૂર્વે મઘવન્ નાપરાસો ન વીર્ય1ં નૂતનઃ કશ્ ચનાપ ॥

ઉપ સ્તુહિ પ્રથમં રત્નધેયમ્ બૃહસ્પતિં સનિતારં ધનાનામ્ ।
યઃ શંસતે સ્તુવતે શમ્ભવિષ્ઠઃ પુરૂવસુર્ આગમજ્ જોહુવાનમ્ ॥

તવોતિભિઃ સચમાના અરિષ્ટા બૃહસ્પતે મઘવાનઃ સુવીરાઃ ।
યે અશ્વદા ઉત વા સન્તિ ગોદા યે વસ્ત્રદાઃ સુભગાસ્ તેષુ રાયઃ ॥

વિસર્માણં કૃણુહિ વિત્તમ્ એષાં યે ભુઞ્જતે અપૃણન્તો ન ઉક્થૈઃ ।
અપવ્રતાન્ પ્રસવે વાવૃધાનાન્ બ્રહ્મદ્વિષઃ સૂર્યાદ્ યાવયસ્વ ॥

ય ઓહતે રક્ષસો દેવવીતાવ્ અચક્રેભિસ્ તમ્ મરુતો નિ યાત ।
યો વઃ શમીં શશમાનસ્ય નિન્દાત્ તુચ્છ્યાન્ કામાન્ કરતે સિષ્વિદાનઃ ॥

તમ્ ઉ ષ્ટુહિ યઃ સ્વિષુઃ સુધન્વા યો વિશ્વસ્ય ક્ષયતિ ભેષજસ્ય ।
યક્ષ્વા મહે સૌમનસાય રુદ્રં નમોભિર્ દેવમ્ અસુરં દુવસ્ય ॥

દમૂનસો અપસો યે સુહસ્તા વૃષ્ણઃ પત્નીર્ નદ્યો વિભ્વતષ્ટાઃ ।
સરસ્વતી બૃહદ્દિવોત રાકા દશસ્યન્તીર્ વરિવસ્યન્તુ શુભ્રાઃ ॥

પ્ર સૂ મહે સુશરણાય મેધાં ગિરમ્ ભરે નવ્યસીં જાયમાનામ્ ।
ય આહના દુહિતુર્ વક્ષણાસુ રૂપા મિનાનો અકૃણોદ્ ઇદં નઃ ॥

પ્ર સુષ્ટુતિઃ સ્તનયન્તં રુવન્તમ્ ઇળસ્ પતિં જરિતર્ નૂનમ્ અશ્યાઃ ।
યો અબ્દિમાઁ ઉદનિમાઁ ઇયર્તિ પ્ર વિદ્યુતા રોદસી ઉક્ષમાણઃ ॥

એષ સ્તોમો મારુતં શર્ધો અચ્છા રુદ્રસ્ય સૂનૂઁર્ યુવન્યૂઁર્ ઉદ્ અશ્યાઃ ।
કામો રાયે હવતે મા સ્વસ્ત્ય્ ઉપ સ્તુહિ પૃષદશ્વાઁ અયાસઃ ॥

પ્રૈષ સ્તોમઃ પૃથિવીમ્ અન્તરિક્ષં વનસ્પતીઁર્ ઓષધી રાયે અશ્યાઃ ।
દેવો-દેવઃ સુહવો ભૂતુ મહ્યમ્ મા નો માતા પૃથિવી દુર્મતૌ ધાત્ ॥

ઉરૌ દેવા અનિબાધે સ્યામ ॥

સમ્ અશ્વિનોર્ અવસા નૂતનેન મયોભુવા સુપ્રણીતી ગમેમ ।
આ નો રયિં વહતમ્ ઓત વીરાન્ આ વિશ્વાન્ય્ અમૃતા સૌભગાનિ ॥