ઋગ્વેદ · અધ્યાય 5.044

તમ્ પ્રત્નથા પૂર્વથા વિશ્વથેમથા જ્યેષ્ઠતાતિમ્ બર્હિષદં સ્વર્વિદમ્ ।
પ્રતીચીનં વૃજનં દોહસે ગિરાશું જયન્તમ્ અનુ યાસુ વર્ધસે ॥

શ્રિયે સુદૃશીર્ ઉપરસ્ય યાઃ સ્વર્ વિરોચમાનઃ કકુભામ્ અચોદતે ।
સુગોપા અસિ ન દભાય સુક્રતો પરો માયાભિર્ ઋત આસ નામ તે ॥

અત્યં હવિઃ સચતે સચ્ ચ ધાતુ ચારિષ્ટગાતુઃ સ હોતા સહોભરિઃ ।
પ્રસર્સ્રાણો અનુ બર્હિર્ વૃષા શિશુર્ મધ્યે યુવાજરો વિસ્રુહા હિતઃ ॥

પ્ર વ એતે સુયુજો યામન્ન્ ઇષ્ટયે નીચીર્ અમુષ્મૈ યમ્ય ઋતાવૃધઃ ।
સુયન્તુભિઃ સર્વશાસૈર્ અભીશુભિઃ ક્રિવિર્ નામાનિ પ્રવણે મુષાયતિ ॥

સંજર્ભુરાણસ્ તરુભિઃ સુતેગૃભં વયાકિનં ચિત્તગર્ભાસુ સુસ્વરુઃ ।
ધારવાકેષ્વ્ ઋજુગાથ શોભસે વર્ધસ્વ પત્નીર્ અભિ જીવો અધ્વરે ॥

યાદૃગ્ એવ દદૃશે તાદૃગ્ ઉચ્યતે સં છાયયા દધિરે સિધ્રયાપ્સ્વ્ આ ।
મહીમ્ અસ્મભ્યમ્ ઉરુષામ્ ઉરુ જ્રયો બૃહત્ સુવીરમ્ અનપચ્યુતં સહઃ ॥

વેત્ય્ અગ્રુર્ જનિવાન્ વા અતિ સ્પૃધઃ સમર્યતા મનસા સૂર્યઃ કવિઃ ।
ઘ્રંસં રક્ષન્તમ્ પરિ વિશ્વતો ગયમ્ અસ્માકં શર્મ વનવત્ સ્વાવસુઃ ॥

જ્યાયાંસમ્ અસ્ય યતુનસ્ય કેતુન ઋષિસ્વરં ચરતિ યાસુ નામ તે ।
યાદૃશ્મિન્ ધાયિ તમ્ અપસ્યયા વિદદ્ ય ઉ સ્વયં વહતે સો અરં કરત્ ॥

સમુદ્રમ્ આસામ્ અવ તસ્થે અગ્રિમા ન રિષ્યતિ સવનં યસ્મિન્ન્ આયતા ।
અત્રા ન હાર્દિ ક્રવણસ્ય રેજતે યત્રા મતિર્ વિદ્યતે પૂતબન્ધની ॥

સ હિ ક્ષત્રસ્ય મનસસ્ય ચિત્તિભિર્ એવાવદસ્ય યજતસ્ય સધ્રેઃ ।
અવત્સારસ્ય સ્પૃણવામ રણ્વભિઃ શવિષ્ઠં વાજં વિદુષા ચિદ્ અર્ધ્યમ્ ॥

શ્યેન આસામ્ અદિતિઃ કક્ષ્યો3 મદો વિશ્વવારસ્ય યજતસ્ય માયિનઃ ।
સમ્ અન્યમ્-અન્યમ્ અર્થયન્ત્ય્ એતવે વિદુર્ વિષાણમ્ પરિપાનમ્ અન્તિ તે ॥

સદાપૃણો યજતો વિ દ્વિષો વધીદ્ બાહુવૃક્તઃ શ્રુતવિત્ તર્યો વઃ સચા ।
ઉભા સ વરા પ્રત્ય્ એતિ ભાતિ ચ યદ્ ઈં ગણમ્ ભજતે સુપ્રયાવભિઃ ॥

સુતમ્ભરો યજમાનસ્ય સત્પતિર્ વિશ્વાસામ્ ઊધઃ સ ધિયામ્ ઉદઞ્ચનઃ ।
ભરદ્ ધેનૂ રસવચ્ છિશ્રિયે પયો ઽનુબ્રુવાણો અધ્ય્ એતિ ન સ્વપન્ ॥

યો જાગાર તમ્ ઋચઃ કામયન્તે યો જાગાર તમ્ ઉ સામાનિ યન્તિ ।
યો જાગાર તમ્ અયં સોમ આહ તવાહમ્ અસ્મિ સખ્યે ન્યોકાઃ ॥

અગ્નિર્ જાગાર તમ્ ઋચઃ કામયન્તે ઽગ્નિર્ જાગાર તમ્ ઉ સામાનિ યન્તિ ।
અગ્નિર્ જાગાર તમ્ અયં સોમ આહ તવાહમ્ અસ્મિ સખ્યે ન્યોકાઃ ॥