ઋગ્વેદ · અધ્યાય 5.040

આ યાહ્ય્ અદ્રિભિઃ સુતં સોમં સોમપતે પિબ ।
વૃષન્ન્ ઇન્દ્ર વૃષભિર્ વૃત્રહન્તમ ॥

વૃષા ગ્રાવા વૃષા મદો વૃષા સોમો અયં સુતઃ ।
વૃષન્ન્ ઇન્દ્ર વૃષભિર્ વૃત્રહન્તમ ॥

વૃષા ત્વા વૃષણં હુવે વજ્રિઞ્ ચિત્રાભિર્ ઊતિભિઃ ।
વૃષન્ન્ ઇન્દ્ર વૃષભિર્ વૃત્રહન્તમ ॥

ઋજીષી વજ્રી વૃષભસ્ તુરાષાટ્ છુષ્મી રાજા વૃત્રહા સોમપાવા ।
યુક્ત્વા હરિભ્યામ્ ઉપ યાસદ્ અર્વાઙ્ માધ્યંદિને સવને મત્સદ્ ઇન્દ્રઃ ॥

યત્ ત્વા સૂર્ય સ્વર્ભાનુસ્ તમસાવિધ્યદ્ આસુરઃ ।
અક્ષેત્રવિદ્ યથા મુગ્ધો ભુવનાન્ય્ અદીધયુઃ ॥

સ્વર્ભાનોર્ અધ યદ્ ઇન્દ્ર માયા અવો દિવો વર્તમાના અવાહન્ ।
ગૂળ્હં સૂર્યં તમસાપવ્રતેન તુરીયેણ બ્રહ્મણાવિન્દદ્ અત્રિઃ ॥

મા મામ્ ઇમં તવ સન્તમ્ અત્ર ઇરસ્યા દ્રુગ્ધો ભિયસા નિ ગારીત્ ।
ત્વમ્ મિત્રો અસિ સત્યરાધાસ્ તૌ મેહાવતં વરુણશ્ ચ રાજા ॥

ગ્રાવ્ણો બ્રહ્મા યુયુજાનઃ સપર્યન્ કીરિણા દેવાન્ નમસોપશિક્ષન્ ।
અત્રિઃ સૂર્યસ્ય દિવિ ચક્ષુર્ આધાત્ સ્વર્ભાનોર્ અપ માયા અઘુક્ષત્ ॥

યં વૈ સૂર્યં સ્વર્ભાનુસ્ તમસાવિધ્યદ્ આસુરઃ ।
અત્રયસ્ તમ્ અન્વ્ અવિન્દન્ નહ્ય્ અ1ન્યે અશક્નુવન્ ॥