ઋગ્વેદ · અધ્યાય 5.039

યદ્ ઇન્દ્ર ચિત્ર મેહનાસ્તિ ત્વાદાતમ્ અદ્રિવઃ ।
રાધસ્ તન્ નો વિદદ્વસ ઉભયાહસ્ત્ય્ આ ભર ॥

યન્ મન્યસે વરેણ્યમ્ ઇન્દ્ર દ્યુક્ષં તદ્ આ ભર ।
વિદ્યામ તસ્ય તે વયમ્ અકૂપારસ્ય દાવને ॥

યત્ તે દિત્સુ પ્રરાધ્યમ્ મનો અસ્તિ શ્રુતમ્ બૃહત્ ।
તેન દૃળ્હા ચિદ્ અદ્રિવ આ વાજં દર્ષિ સાતયે ॥

મંહિષ્ઠં વો મઘોનાં રાજાનં ચર્ષણીનામ્ ।
ઇન્દ્રમ્ ઉપ પ્રશસ્તયે પૂર્વીભિર્ જુજુષે ગિરઃ ॥

અસ્મા ઇત્ કાવ્યં વચ ઉક્થમ્ ઇન્દ્રાય શંસ્યમ્ ।
તસ્મા ઉ બ્રહ્મવાહસે ગિરો વર્ધન્ત્ય્ અત્રયો ગિરઃ શુમ્ભન્ત્ય્ અત્રયઃ ॥