ઋગ્વેદ · અધ્યાય 5.029

ત્ર્ય્ અર્યમા મનુષો દેવતાતા ત્રી રોચના દિવ્યા ધારયન્ત ।
અર્ચન્તિ ત્વા મરુતઃ પૂતદક્ષાસ્ ત્વમ્ એષામ્ ઋષિર્ ઇન્દ્રાસિ ધીરઃ ॥

અનુ યદ્ ઈમ્ મરુતો મન્દસાનમ્ આર્ચન્ન્ ઇન્દ્રમ્ પપિવાંસં સુતસ્ય ।
આદત્ત વજ્રમ્ અભિ યદ્ અહિં હન્ન્ અપો યહ્વીર્ અસૃજત્ સર્તવા ઉ ॥

ઉત બ્રહ્માણો મરુતો મે અસ્યેન્દ્રઃ સોમસ્ય સુષુતસ્ય પેયાઃ ।
તદ્ ધિ હવ્યમ્ મનુષે ગા અવિન્દદ્ અહન્ન્ અહિમ્ પપિવાઁ ઇન્દ્રો અસ્ય ॥

આદ્ રોદસી વિતરં વિ ષ્કભાયત્ સંવિવ્યાનશ્ ચિદ્ ભિયસે મૃગં કઃ ।
જિગર્તિમ્ ઇન્દ્રો અપજર્ગુરાણઃ પ્રતિ શ્વસન્તમ્ અવ દાનવં હન્ ॥

અધ ક્રત્વા મઘવન્ તુભ્યં દેવા અનુ વિશ્વે અદદુઃ સોમપેયમ્ ।
યત્ સૂર્યસ્ય હરિતઃ પતન્તીઃ પુરઃ સતીર્ ઉપરા એતશે કઃ ॥

નવ યદ્ અસ્ય નવતિં ચ ભોગાન્ સાકં વજ્રેણ મઘવા વિવૃશ્ચત્ ।
અર્ચન્તીન્દ્રમ્ મરુતઃ સધસ્થે ત્રૈષ્ટુભેન વચસા બાધત દ્યામ્ ॥

સખા સખ્યે અપચત્ તૂયમ્ અગ્નિર્ અસ્ય ક્રત્વા મહિષા ત્રી શતાનિ ।
ત્રી સાકમ્ ઇન્દ્રો મનુષઃ સરાંસિ સુતમ્ પિબદ્ વૃત્રહત્યાય સોમમ્ ॥

ત્રી યચ્ છતા મહિષાણામ્ અઘો માસ્ ત્રી સરાંસિ મઘવા સોમ્યાપાઃ ।
કારં ન વિશ્વે અહ્વન્ત દેવા ભરમ્ ઇન્દ્રાય યદ્ અહિં જઘાન ॥

ઉશના યત્ સહસ્યૈ3ર્ અયાતં ગૃહમ્ ઇન્દ્ર જૂજુવાનેભિર્ અશ્વૈઃ ।
વન્વાનો અત્ર સરથં યયાથ કુત્સેન દેવૈર્ અવનોર્ હ શુષ્ણમ્ ॥

પ્રાન્યચ્ ચક્રમ્ અવૃહઃ સૂર્યસ્ય કુત્સાયાન્યદ્ વરિવો યાતવે ઽકઃ ।
અનાસો દસ્યૂઁર્ અમૃણો વધેન નિ દુર્યોણ આવૃણઙ્ મૃધ્રવાચઃ ॥

સ્તોમાસસ્ ત્વા ગૌરિવીતેર્ અવર્ધન્ન્ અરન્ધયો વૈદથિનાય પિપ્રુમ્ ।
આ ત્વામ્ ઋજિશ્વા સખ્યાય ચક્રે પચન્ પક્તીર્ અપિબઃ સોમમ્ અસ્ય ॥

નવગ્વાસઃ સુતસોમાસ ઇન્દ્રં દશગ્વાસો અભ્ય્ અર્ચન્ત્ય્ અર્કૈઃ ।
ગવ્યં ચિદ્ ઊર્વમ્ અપિધાનવન્તં તં ચિન્ નરઃ શશમાના અપ વ્રન્ ॥

કથો નુ તે પરિ ચરાણિ વિદ્વાન્ વીર્યા મઘવન્ યા ચકર્થ ।
યા ચો નુ નવ્યા કૃણવઃ શવિષ્ઠ પ્રેદ્ ઉ તા તે વિદથેષુ બ્રવામ ॥

એતા વિશ્વા ચકૃવાઁ ઇન્દ્ર ભૂર્ય્ અપરીતો જનુષા વીર્યેણ ।
યા ચિન્ નુ વજ્રિન્ કૃણવો દધૃષ્વાન્ ન તે વર્તા તવિષ્યા અસ્તિ તસ્યાઃ ॥

ઇન્દ્ર બ્રહ્મ ક્રિયમાણા જુષસ્વ યા તે શવિષ્ઠ નવ્યા અકર્મ ।
વસ્ત્રેવ ભદ્રા સુકૃતા વસૂયૂ રથં ન ધીરઃ સ્વપા અતક્ષમ્ ॥