ઋગ્વેદ · અધ્યાય 5.030

ક્વ1 સ્ય વીરઃ કો અપશ્યદ્ ઇન્દ્રં સુખરથમ્ ઈયમાનં હરિભ્યામ્ ।
યો રાયા વજ્રી સુતસોમમ્ ઇચ્છન્ તદ્ ઓકો ગન્તા પુરુહૂત ઊતી ॥

અવાચચક્ષમ્ પદમ્ અસ્ય સસ્વર્ ઉગ્રં નિધાતુર્ અન્વ્ આયમ્ ઇચ્છન્ ।
અપૃચ્છમ્ અન્યાઁ ઉત તે મ આહુર્ ઇન્દ્રં નરો બુબુધાના અશેમ ॥

પ્ર નુ વયં સુતે યા તે કૃતાનીન્દ્ર બ્રવામ યાનિ નો જુજોષઃ ।
વેદદ્ અવિદ્વાઞ્ છૃણવચ્ ચ વિદ્વાન્ વહતે ઽયમ્ મઘવા સર્વસેનઃ ॥

સ્થિરમ્ મનશ્ ચકૃષે જાત ઇન્દ્ર વેષીદ્ એકો યુધયે ભૂયસશ્ ચિત્ ।
અશ્માનં ચિચ્ છવસા દિદ્યુતો વિ વિદો ગવામ્ ઊર્વમ્ ઉસ્રિયાણામ્ ॥

પરો યત્ ત્વમ્ પરમ આજનિષ્ઠાઃ પરાવતિ શ્રુત્યં નામ બિભ્રત્ ।
અતશ્ ચિદ્ ઇન્દ્રાદ્ અભયન્ત દેવા વિશ્વા અપો અજયદ્ દાસપત્નીઃ ॥

તુભ્યેદ્ એતે મરુતઃ સુશેવા અર્ચન્ત્ય્ અર્કં સુન્વન્ત્ય્ અન્ધઃ ।
અહિમ્ ઓહાનમ્ અપ આશયાનમ્ પ્ર માયાભિર્ માયિનં સક્ષદ્ ઇન્દ્રઃ ॥

વિ ષૂ મૃધો જનુષા દાનમ્ ઇન્વન્ન્ અહન્ ગવા મઘવન્ સંચકાનઃ ।
અત્રા દાસસ્ય નમુચેઃ શિરો યદ્ અવર્તયો મનવે ગાતુમ્ ઇચ્છન્ ॥

યુજં હિ મામ્ અકૃથા આદ્ ઇદ્ ઇન્દ્ર શિરો દાસસ્ય નમુચેર્ મથાયન્ ।
અશ્માનં ચિત્ સ્વર્ય1ં વર્તમાનમ્ પ્ર ચક્રિયેવ રોદસી મરુદ્ભ્યઃ ॥

સ્ત્રિયો હિ દાસ આયુધાનિ ચક્રે કિમ્ મા કરન્ન્ અબલા અસ્ય સેનાઃ ।
અન્તર્ હ્ય્ અખ્યદ્ ઉભે અસ્ય ધેને અથોપ પ્રૈદ્ યુધયે દસ્યુમ્ ઇન્દ્રઃ ॥

સમ્ અત્ર ગાવો ઽભિતો ઽનવન્તેહેહ વત્સૈર્ વિયુતા યદ્ આસન્ ।
સં તા ઇન્દ્રો અસૃજદ્ અસ્ય શાકૈર્ યદ્ ઈં સોમાસઃ સુષુતા અમન્દન્ ॥

યદ્ ઈં સોમા બભ્રુધૂતા અમન્દન્ન્ અરોરવીદ્ વૃષભઃ સાદનેષુ ।
પુરંદરઃ પપિવાઁ ઇન્દ્રો અસ્ય પુનર્ ગવામ્ અદદાદ્ ઉસ્રિયાણામ્ ॥

ભદ્રમ્ ઇદં રુશમા અગ્ને અક્રન્ ગવાં ચત્વારિ દદતઃ સહસ્રા ।
ઋણંચયસ્ય પ્રયતા મઘાનિ પ્રત્ય્ અગ્રભીષ્મ નૃતમસ્ય નૃણામ્ ॥

સુપેશસમ્ માવ સૃજન્ત્ય્ અસ્તં ગવાં સહસ્રૈ રુશમાસો અગ્ને ।
તીવ્રા ઇન્દ્રમ્ અમમન્દુઃ સુતાસો ઽક્તોર્ વ્યુષ્ટૌ પરિતક્મ્યાયાઃ ॥

ઔચ્છત્ સા રાત્રી પરિતક્મ્યા યાઁ ઋણંચયે રાજનિ રુશમાનામ્ ।
અત્યો ન વાજી રઘુર્ અજ્યમાનો બભ્રુશ્ ચત્વાર્ય્ અસનત્ સહસ્રા ॥

ચતુઃસહસ્રં ગવ્યસ્ય પશ્વઃ પ્રત્ય્ અગ્રભીષ્મ રુશમેષ્વ્ અગ્ને ।
ઘર્મશ્ ચિત્ તપ્તઃ પ્રવૃજે ય આસીદ્ અયસ્મયસ્ તમ્ વ્ આદામ વિપ્રાઃ ॥