ઋગ્વેદ · અધ્યાય 5.028

સમિદ્ધો અગ્નિર્ દિવિ શોચિર્ અશ્રેત્ પ્રત્યઙ્ઙ્ ઉષસમ્ ઉર્વિયા વિ ભાતિ ।
એતિ પ્રાચી વિશ્વવારા નમોભિર્ દેવાઁ ઈળાના હવિષા ઘૃતાચી ॥

સમિધ્યમાનો અમૃતસ્ય રાજસિ હવિષ્ કૃણ્વન્તં સચસે સ્વસ્તયે ।
વિશ્વં સ ધત્તે દ્રવિણં યમ્ ઇન્વસ્ય્ આતિથ્યમ્ અગ્ને નિ ચ ધત્ત ઇત્ પુરઃ ॥

અગ્ને શર્ધ મહતે સૌભગાય તવ દ્યુમ્નાન્ય્ ઉત્તમાનિ સન્તુ ।
સં જાસ્પત્યં સુયમમ્ આ કૃણુષ્વ શત્રૂયતામ્ અભિ તિષ્ઠા મહાંસિ ॥

સમિદ્ધસ્ય પ્રમહસો ઽગ્ને વન્દે તવ શ્રિયમ્ ।
વૃષભો દ્યુમ્નવાઁ અસિ સમ્ અધ્વરેષ્વ્ ઇધ્યસે ॥

સમિદ્ધો અગ્ન આહુત દેવાન્ યક્ષિ સ્વધ્વર ।
ત્વં હિ હવ્યવાળ્ અસિ ॥

આ જુહોતા દુવસ્યતાગ્નિમ્ પ્રયત્ય્ અધ્વરે ।
વૃણીધ્વં હવ્યવાહનમ્ ॥