ઋગ્વેદ · અધ્યાય 5.018

પ્રાતર્ અગ્નિઃ પુરુપ્રિયો વિશઃ સ્તવેતાતિથિઃ ।
વિશ્વાનિ યો અમર્ત્યો હવ્યા મર્તેષુ રણ્યતિ ॥

દ્વિતાય મૃક્તવાહસે સ્વસ્ય દક્ષસ્ય મંહના ।
ઇન્દું સ ધત્ત આનુષક્ સ્તોતા ચિત્ તે અમર્ત્ય ॥

તં વો દીર્ઘાયુશોચિષં ગિરા હુવે મઘોનામ્ ।
અરિષ્ટો યેષાં રથો વ્ય્ અશ્વદાવન્ન્ ઈયતે ॥

ચિત્રા વા યેષુ દીધિતિર્ આસન્ન્ ઉક્થા પાન્તિ યે ।
સ્તીર્ણમ્ બર્હિઃ સ્વર્ણરે શ્રવાંસિ દધિરે પરિ ॥

યે મે પઞ્ચાશતં દદુર્ અશ્વાનાં સધસ્તુતિ ।
દ્યુમદ્ અગ્ને મહિ શ્રવો બૃહત્ કૃધિ મઘોનાં નૃવદ્ અમૃત નૃણામ્ ॥