Rig Veda · Chapter 5.018

prātar agniḥ purupriyo viśaḥ stavetātithiḥ |
viśvāni yo amartyo havyā marteṣu raṇyati ||

dvitāya mṛktavāhase svasya dakṣasya maṁhanā |
induṁ sa dhatta ānuṣak stotā cit te amartya ||

taṁ vo dīrghāyuśociṣaṁ girā huve maghonām |
ariṣṭo yeṣāṁ ratho vy aśvadāvann īyate ||

citrā vā yeṣu dīdhitir āsann ukthā pānti ye |
stīrṇam barhiḥ svarṇare śravāṁsi dadhire pari ||

ye me pañcāśataṁ dadur aśvānāṁ sadhastuti |
dyumad agne mahi śravo bṛhat kṛdhi maghonāṁ nṛvad amṛta nṛṇām ||