ઋગ્વેદ · અધ્યાય 5.019

અભ્ય્ અવસ્થાઃ પ્ર જાયન્તે પ્ર વવ્રેર્ વવ્રિશ્ ચિકેત ।
ઉપસ્થે માતુર્ વિ ચષ્ટે ॥

જુહુરે વિ ચિતયન્તો ઽનિમિષં નૃમ્ણમ્ પાન્તિ ।
આ દૃળ્હામ્ પુરં વિવિશુઃ ॥

આ શ્વૈત્રેયસ્ય જન્તવો દ્યુમદ્ વર્ધન્ત કૃષ્ટયઃ ।
નિષ્કગ્રીવો બૃહદુક્થ એના મધ્વા ન વાજયુઃ ॥

પ્રિયં દુગ્ધં ન કામ્યમ્ અજામિ જામ્યોઃ સચા ।
ઘર્મો ન વાજજઠરો ઽદબ્ધઃ શશ્વતો દભઃ ॥

ક્રીળન્ નો રશ્મ આ ભુવઃ સમ્ ભસ્મના વાયુના વેવિદાનઃ ।
તા અસ્ય સન્ ધૃષજો ન તિગ્માઃ સુસંશિતા વક્ષ્યો વક્ષણેસ્થાઃ ॥