ઋગ્વેદ · અધ્યાય 4.056

મહી દ્યાવાપૃથિવી ઇહ જ્યેષ્ઠે રુચા ભવતાં શુચયદ્ભિર્ અર્કૈઃ ।
યત્ સીં વરિષ્ઠે બૃહતી વિમિન્વન્ રુવદ્ ધોક્ષા પપ્રથાનેભિર્ એવૈઃ ॥

દેવી દેવેભિર્ યજતે યજત્રૈર્ અમિનતી તસ્થતુર્ ઉક્ષમાણે ।
ઋતાવરી અદ્રુહા દેવપુત્રે યજ્ઞસ્ય નેત્રી શુચયદ્ભિર્ અર્કૈઃ ॥

સ ઇત્ સ્વપા ભુવનેષ્વ્ આસ ય ઇમે દ્યાવાપૃથિવી જજાન ।
ઉર્વી ગભીરે રજસી સુમેકે અવંશે ધીરઃ શચ્યા સમ્ ઐરત્ ॥

નૂ રોદસી બૃહદ્ભિર્ નો વરૂથૈઃ પત્નીવદ્ભિર્ ઇષયન્તી સજોષાઃ ।
ઉરૂચી વિશ્વે યજતે નિ પાતં ધિયા સ્યામ રથ્યઃ સદાસાઃ ॥

પ્ર વામ્ મહિ દ્યવી અભ્ય્ ઉપસ્તુતિમ્ ભરામહે ।
શુચી ઉપ પ્રશસ્તયે ॥

પુનાને તન્વા મિથઃ સ્વેન દક્ષેણ રાજથઃ ।
ઊહ્યાથે સનાદ્ ઋતમ્ ॥

મહી મિત્રસ્ય સાધથસ્ તરન્તી પિપ્રતી ઋતમ્ ।
પરિ યજ્ઞં નિ ષેદથુઃ ॥