ઋગ્વેદ · અધ્યાય 4.045

એષ સ્ય ભાનુર્ ઉદ્ ઇયર્તિ યુજ્યતે રથઃ પરિજ્મા દિવો અસ્ય સાનવિ ।
પૃક્ષાસો અસ્મિન્ મિથુના અધિ ત્રયો દૃતિસ્ તુરીયો મધુનો વિ રપ્શતે ॥

ઉદ્ વામ્ પૃક્ષાસો મધુમન્ત ઈરતે રથા અશ્વાસ ઉષસો વ્યુષ્ટિષુ ।
અપોર્ણુવન્તસ્ તમ આ પરીવૃતં સ્વ1ર્ ણ શુક્રં તન્વન્ત આ રજઃ ॥

મધ્વઃ પિબતમ્ મધુપેભિર્ આસભિર્ ઉત પ્રિયમ્ મધુને યુઞ્જાથાં રથમ્ ।
આ વર્તનિમ્ મધુના જિન્વથસ્ પથો દૃતિં વહેથે મધુમન્તમ્ અશ્વિના ॥

હંસાસો યે વામ્ મધુમન્તો અસ્રિધો હિરણ્યપર્ણા ઉહુવ ઉષર્બુધઃ ।
ઉદપ્રુતો મન્દિનો મન્દિનિસ્પૃશો મધ્વો ન મક્ષઃ સવનાનિ ગચ્છથઃ ॥

સ્વધ્વરાસો મધુમન્તો અગ્નય ઉસ્રા જરન્તે પ્રતિ વસ્તોર્ અશ્વિના ।
યન્ નિક્તહસ્તસ્ તરણિર્ વિચક્ષણઃ સોમં સુષાવ મધુમન્તમ્ અદ્રિભિઃ ॥

આકેનિપાસો અહભિર્ દવિધ્વતઃ સ્વ1ર્ ણ શુક્રં તન્વન્ત આ રજઃ ।
સૂરશ્ ચિદ્ અશ્વાન્ યુયુજાન ઈયતે વિશ્વાઁ અનુ સ્વધયા ચેતથસ્ પથઃ ॥

પ્ર વામ્ અવોચમ્ અશ્વિના ધિયંધા રથઃ સ્વશ્વો અજરો યો અસ્તિ ।
યેન સદ્યઃ પરિ રજાંસિ યાથો હવિષ્મન્તં તરણિમ્ ભોજમ્ અચ્છ ॥