ઋગ્વેદ · અધ્યાય 4.046

અગ્રમ્ પિબા મધૂનાં સુતં વાયો દિવિષ્ટિષુ ।
ત્વં હિ પૂર્વપા અસિ ॥

શતેના નો અભિષ્ટિભિર્ નિયુત્વાઁ ઇન્દ્રસારથિઃ ।
વાયો સુતસ્ય તૃમ્પતમ્ ॥

આ વાં સહસ્રં હરય ઇન્દ્રવાયૂ અભિ પ્રયઃ ।
વહન્તુ સોમપીતયે ॥

રથં હિરણ્યવન્ધુરમ્ ઇન્દ્રવાયૂ સ્વધ્વરમ્ ।
આ હિ સ્થાથો દિવિસ્પૃશમ્ ॥

રથેન પૃથુપાજસા દાશ્વાંસમ્ ઉપ ગચ્છતમ્ ।
ઇન્દ્રવાયૂ ઇહા ગતમ્ ॥

ઇન્દ્રવાયૂ અયં સુતસ્ તં દેવેભિઃ સજોષસા ।
પિબતં દાશુષો ગૃહે ॥

ઇહ પ્રયાણમ્ અસ્તુ વામ્ ઇન્દ્રવાયૂ વિમોચનમ્ ।
ઇહ વાં સોમપીતયે ॥