ઋગ્વેદ · અધ્યાય 3.060

ઇહેહ વો મનસા બન્ધુતા નર ઉશિજો જગ્મુર્ અભિ તાનિ વેદસા ।
યાભિર્ માયાભિઃ પ્રતિજૂતિવર્પસઃ સૌધન્વના યજ્ઞિયમ્ ભાગમ્ આનશ ॥

યાભિઃ શચીભિશ્ ચમસાઁ અપિંશત યયા ધિયા ગામ્ અરિણીત ચર્મણઃ ।
યેન હરી મનસા નિરતક્ષત તેન દેવત્વમ્ ઋભવઃ સમ્ આનશ ॥

ઇન્દ્રસ્ય સખ્યમ્ ઋભવઃ સમ્ આનશુર્ મનોર્ નપાતો અપસો દધન્વિરે ।
સૌધન્વનાસો અમૃતત્વમ્ એરિરે વિષ્ટ્વી શમીભિઃ સુકૃતઃ સુકૃત્યયા ॥

ઇન્દ્રેણ યાથ સરથં સુતે સચાઁ અથો વશાનામ્ ભવથા સહ શ્રિયા ।
ન વઃ પ્રતિમૈ સુકૃતાનિ વાઘતઃ સૌધન્વના ઋભવો વીર્યાણિ ચ ॥

ઇન્દ્ર ઋભુભિર્ વાજવદ્ભિઃ સમુક્ષિતં સુતં સોમમ્ આ વૃષસ્વા ગભસ્ત્યોઃ ।
ધિયેષિતો મઘવન્ દાશુષો ગૃહે સૌધન્વનેભિઃ સહ મત્સ્વા નૃભિઃ ॥

ઇન્દ્ર ઋભુમાન્ વાજવાન્ મત્સ્વેહ નો ઽસ્મિન્ સવને શચ્યા પુરુષ્ટુત ।
ઇમાનિ તુભ્યં સ્વસરાણિ યેમિરે વ્રતા દેવાનામ્ મનુષશ્ ચ ધર્મભિઃ ॥

ઇન્દ્ર ઋભુભિર્ વાજિભિર્ વાજયન્ન્ ઇહ સ્તોમં જરિતુર્ ઉપ યાહિ યજ્ઞિયમ્ ।
શતં કેતેભિર્ ઇષિરેભિર્ આયવે સહસ્રણીથો અધ્વરસ્ય હોમનિ ॥