ઋગ્વેદ · અધ્યાય 3.061

ઉષો વાજેન વાજિનિ પ્રચેતાઃ સ્તોમં જુષસ્વ ગૃણતો મઘોનિ ।
પુરાણી દેવિ યુવતિઃ પુરંધિર્ અનુ વ્રતં ચરસિ વિશ્વવારે ॥

ઉષો દેવ્ય્ અમર્ત્યા વિ ભાહિ ચન્દ્રરથા સૂનૃતા ઈરયન્તી ।
આ ત્વા વહન્તુ સુયમાસો અશ્વા હિરણ્યવર્ણામ્ પૃથુપાજસો યે ॥

ઉષઃ પ્રતીચી ભુવનાનિ વિશ્વોર્ધ્વા તિષ્ઠસ્ય્ અમૃતસ્ય કેતુઃ ।
સમાનમ્ અર્થં ચરણીયમાના ચક્રમ્ ઇવ નવ્યસ્ય્ આ વવૃત્સ્વ ॥

અવ સ્યૂમેવ ચિન્વતી મઘોન્ય્ ઉષા યાતિ સ્વસરસ્ય પત્ની ।
સ્વ1ર્ જનન્તી સુભગા સુદંસા આન્તાદ્ દિવઃ પપ્રથ આ પૃથિવ્યાઃ ॥

અચ્છા વો દેવીમ્ ઉષસં વિભાતીમ્ પ્ર વો ભરધ્વં નમસા સુવૃક્તિમ્ ।
ઊર્ધ્વમ્ મધુધા દિવિ પાજો અશ્રેત્ પ્ર રોચના રુરુચે રણ્વસંદૃક્ ॥

ઋતાવરી દિવો અર્કૈર્ અબોધ્ય્ આ રેવતી રોદસી ચિત્રમ્ અસ્થાત્ ।
આયતીમ્ અગ્ન ઉષસં વિભાતીં વામમ્ એષિ દ્રવિણમ્ ભિક્ષમાણઃ ॥

ઋતસ્ય બુધ્ન ઉષસામ્ ઇષણ્યન્ વૃષા મહી રોદસી આ વિવેશ ।
મહી મિત્રસ્ય વરુણસ્ય માયા ચન્દ્રેવ ભાનું વિ દધે પુરુત્રા ॥