ઋગ્વેદ · અધ્યાય 3.045

આ મન્દ્રૈર્ ઇન્દ્ર હરિભિર્ યાહિ મયૂરરોમભિઃ ।
મા ત્વા કે ચિન્ નિ યમન્ વિં ન પાશિનો ઽતિ ધન્વેવ તાઁ ઇહિ ॥

વૃત્રખાદો વલંરુજઃ પુરાં દર્મો અપામ્ અજઃ ।
સ્થાતા રથસ્ય હર્યોર્ અભિસ્વર ઇન્દ્રો દૃળ્હા ચિદ્ આરુજઃ ॥

ગમ્ભીરાઁ ઉદધીઁર્ ઇવ ક્રતુમ્ પુષ્યસિ ગા ઇવ ।
પ્ર સુગોપા યવસં ધેનવો યથા હ્રદં કુલ્યા ઇવાશત ॥

આ નસ્ તુજં રયિમ્ ભરાંશં ન પ્રતિજાનતે ।
વૃક્ષમ્ પક્વમ્ ફલમ્ અઙ્કીવ ધૂનુહીન્દ્ર સમ્પારણં વસુ ॥

સ્વયુર્ ઇન્દ્ર સ્વરાળ્ અસિ સ્મદ્દિષ્ટિઃ સ્વયશસ્તરઃ ।
સ વાવૃધાન ઓજસા પુરુષ્ટુત ભવા નઃ સુશ્રવસ્તમઃ ॥