ઋગ્વેદ · અધ્યાય 3.046

યુધ્મસ્ય તે વૃષભસ્ય સ્વરાજ ઉગ્રસ્ય યૂનઃ સ્થવિરસ્ય ઘૃષ્વેઃ ।
અજૂર્યતો વજ્રિણો વીર્યા3ણીન્દ્ર શ્રુતસ્ય મહતો મહાનિ ॥

મહાઁ અસિ મહિષ વૃષ્ણ્યેભિર્ ધનસ્પૃદ્ ઉગ્ર સહમાનો અન્યાન્ ।
એકો વિશ્વસ્ય ભુવનસ્ય રાજા સ યોધયા ચ ક્ષયયા ચ જનાન્ ॥

પ્ર માત્રાભી રિરિચે રોચમાનઃ પ્ર દેવેભિર્ વિશ્વતો અપ્રતીતઃ ।
પ્ર મજ્મના દિવ ઇન્દ્રઃ પૃથિવ્યાઃ પ્રોરોર્ મહો અન્તરિક્ષાદ્ ઋજીષી ॥

ઉરું ગભીરં જનુષાભ્ય્ ઉ1ગ્રં વિશ્વવ્યચસમ્ અવતમ્ મતીનામ્ ।
ઇન્દ્રં સોમાસઃ પ્રદિવિ સુતાસઃ સમુદ્રં ન સ્રવત આ વિશન્તિ ॥

યં સોમમ્ ઇન્દ્ર પૃથિવીદ્યાવા ગર્ભં ન માતા બિભૃતસ્ ત્વાયા ।
તં તે હિન્વન્તિ તમ્ ઉ તે મૃજન્ત્ય્ અધ્વર્યવો વૃષભ પાતવા ઉ ॥