ઋગ્વેદ · અધ્યાય 10.163

અક્ષીભ્યાં તે નાસિકાભ્યાં કર્ણાભ્યાં છુબુકાદ્ અધિ ।
યક્ષ્મં શીર્ષણ્યમ્ મસ્તિષ્કાજ્ જિહ્વાયા વિ વૃહામિ તે ॥

ગ્રીવાભ્યસ્ ત ઉષ્ણિહાભ્યઃ કીકસાભ્યો અનૂક્યાત્ ।
યક્ષ્મં દોષણ્ય1મ્ અંસાભ્યામ્ બાહુભ્યાં વિ વૃહામિ તે ॥

આન્ત્રેભ્યસ્ તે ગુદાભ્યો વનિષ્ઠોર્ હૃદયાદ્ અધિ ।
યક્ષ્મમ્ મતસ્નાભ્યાં યક્નઃ પ્લાશિભ્યો વિ વૃહામિ તે ॥

ઊરુભ્યાં તે અષ્ઠીવદ્ભ્યામ્ પાર્ષ્ણિભ્યામ્ પ્રપદાભ્યામ્ ।
યક્ષ્મં શ્રોણિભ્યામ્ ભાસદાદ્ ભંસસો વિ વૃહામિ તે ॥

મેહનાદ્ વનંકરણાલ્ લોમભ્યસ્ તે નખેભ્યઃ ।
યક્ષ્મં સર્વસ્માદ્ આત્મનસ્ તમ્ ઇદં વિ વૃહામિ તે ॥

અઙ્ગાદ્-અઙ્ગાલ્ લોમ્નો-લોમ્નો જાતમ્ પર્વણિ-પર્વણિ ।
યક્ષ્મં સર્વસ્માદ્ આત્મનસ્ તમ્ ઇદં વિ વૃહામિ તે ॥