ઋગ્વેદ · અધ્યાય 10.164

અપેહિ મનસસ્ પતે ઽપ ક્રામ પરશ્ ચર ।
પરો નિરૃત્યા આ ચક્ષ્વ બહુધા જીવતો મનઃ ॥

ભદ્રં વૈ વરં વૃણતે ભદ્રં યુઞ્જન્તિ દક્ષિણમ્ ।
ભદ્રં વૈવસ્વતે ચક્ષુર્ બહુત્રા જીવતો મનઃ ॥

યદ્ આશસા નિઃશસાભિશસોપારિમ જાગ્રતો યત્ સ્વપન્તઃ ।
અગ્નિર્ વિશ્વાન્ય્ અપ દુષ્કૃતાન્ય્ અજુષ્ટાન્ય્ આરે અસ્મદ્ દધાતુ ॥

યદ્ ઇન્દ્ર બ્રહ્મણસ્ પતે ઽભિદ્રોહં ચરામસિ ।
પ્રચેતા ન આઙ્ગિરસો દ્વિષતામ્ પાત્વ્ અંહસઃ ॥

અજૈષ્માદ્યાસનામ ચાભૂમાનાગસો વયમ્ ।
જાગ્રત્સ્વપ્નઃ સંકલ્પઃ પાપો યં દ્વિષ્મસ્ તં સ ઋચ્છતુ યો નો દ્વેષ્ટિ તમ્ ઋચ્છતુ ॥