ઋગ્વેદ · અધ્યાય 10.141

અગ્ને અચ્છા વદેહ નઃ પ્રત્યઙ્ નઃ સુમના ભવ ।
પ્ર નો યચ્છ વિશસ્ પતે ધનદા અસિ નસ્ ત્વમ્ ॥

પ્ર નો યચ્છત્વ્ અર્યમા પ્ર ભગઃ પ્ર બૃહસ્પતિઃ ।
પ્ર દેવાઃ પ્રોત સૂનૃતા રાયો દેવી દદાતુ નઃ ॥

સોમં રાજાનમ્ અવસે ઽગ્નિં ગીર્ભિર્ હવામહે ।
આદિત્યાન્ વિષ્ણું સૂર્યમ્ બ્રહ્માણં ચ બૃહસ્પતિમ્ ॥

ઇન્દ્રવાયૂ બૃહસ્પતિં સુહવેહ હવામહે ।
યથા નઃ સર્વ ઇજ્ જનઃ સંગત્યાં સુમના અસત્ ॥

અર્યમણમ્ બૃહસ્પતિમ્ ઇન્દ્રં દાનાય ચોદય ।
વાતં વિષ્ણું સરસ્વતીં સવિતારં ચ વાજિનમ્ ॥

ત્વં નો અગ્ને અગ્નિભિર્ બ્રહ્મ યજ્ઞં ચ વર્ધય ।
ત્વં નો દેવતાતયે રાયો દાનાય ચોદય ॥