ઋગ્વેદ · અધ્યાય 10.124

ઇમં નો અગ્ન ઉપ યજ્ઞમ્ એહિ પઞ્ચયામં ત્રિવૃતં સપ્તતન્તુમ્ ।
અસો હવ્યવાળ્ ઉત નઃ પુરોગા જ્યોગ્ એવ દીર્ઘં તમ આશયિષ્ઠાઃ ॥

અદેવાદ્ દેવઃ પ્રચતા ગુહા યન્ પ્રપશ્યમાનો અમૃતત્વમ્ એમિ ।
શિવં યત્ સન્તમ્ અશિવો જહામિ સ્વાત્ સખ્યાદ્ અરણીં નાભિમ્ એમિ ॥

પશ્યન્ન્ અન્યસ્યા અતિથિં વયાયા ઋતસ્ય ધામ વિ મિમે પુરૂણિ ।
શંસામિ પિત્રે અસુરાય શેવમ્ અયજ્ઞિયાદ્ યજ્ઞિયમ્ ભાગમ્ એમિ ॥

બહ્વીઃ સમા અકરમ્ અન્તર્ અસ્મિન્ન્ ઇન્દ્રં વૃણાનઃ પિતરં જહામિ ।
અગ્નિઃ સોમો વરુણસ્ તે ચ્યવન્તે પર્યાવર્દ્ રાષ્ટ્રં તદ્ અવામ્ય્ આયન્ ॥

નિર્માયા ઉ ત્યે અસુરા અભૂવન્ ત્વં ચ મા વરુણ કામયાસે ।
ઋતેન રાજન્ન્ અનૃતં વિવિઞ્ચન્ મમ રાષ્ટ્રસ્યાધિપત્યમ્ એહિ ॥

ઇદં સ્વર્ ઇદમ્ ઇદ્ આસ વામમ્ અયમ્ પ્રકાશ ઉર્વ્ અ1ન્તરિક્ષમ્ ।
હનાવ વૃત્રં નિરેહિ સોમ હવિષ્ ટ્વા સન્તં હવિષા યજામ ॥

કવિઃ કવિત્વા દિવિ રૂપમ્ આસજદ્ અપ્રભૂતી વરુણો નિર્ અપઃ સૃજત્ ।
ક્ષેમં કૃણ્વાના જનયો ન સિન્ધવસ્ તા અસ્ય વર્ણં શુચયો ભરિભ્રતિ ॥

તા અસ્ય જ્યેષ્ઠમ્ ઇન્દ્રિયં સચન્તે તા ઈમ્ આ ક્ષેતિ સ્વધયા મદન્તીઃ ।
તા ઈં વિશો ન રાજાનં વૃણાના બીભત્સુવો અપ વૃત્રાદ્ અતિષ્ઠન્ ॥

બીભત્સૂનાં સયુજં હંસમ્ આહુર્ અપાં દિવ્યાનાં સખ્યે ચરન્તમ્ ।
અનુષ્ટુભમ્ અનુ ચર્ચૂર્યમાણમ્ ઇન્દ્રં નિ ચિક્યુઃ કવયો મનીષા ॥