ઋગ્વેદ · અધ્યાય 10.123

અયં વેનશ્ ચોદયત્ પૃશ્નિગર્ભા જ્યોતિર્જરાયૂ રજસો વિમાને ।
ઇમમ્ અપાં સંગમે સૂર્યસ્ય શિશું ન વિપ્રા મતિભી રિહન્તિ ॥

સમુદ્રાદ્ ઊર્મિમ્ ઉદ્ ઇયર્તિ વેનો નભોજાઃ પૃષ્ઠં હર્યતસ્ય દર્શિ ।
ઋતસ્ય સાનાવ્ અધિ વિષ્ટપિ ભ્રાટ્ સમાનં યોનિમ્ અભ્ય્ અનૂષત વ્રાઃ ॥

સમાનમ્ પૂર્વીર્ અભિ વાવશાનાસ્ તિષ્ઠન્ વત્સસ્ય માતરઃ સનીળાઃ ।
ઋતસ્ય સાનાવ્ અધિ ચક્રમાણા રિહન્તિ મધ્વો અમૃતસ્ય વાણીઃ ॥

જાનન્તો રૂપમ્ અકૃપન્ત વિપ્રા મૃગસ્ય ઘોષમ્ મહિષસ્ય હિ ગ્મન્ ।
ઋતેન યન્તો અધિ સિન્ધુમ્ અસ્થુર્ વિદદ્ ગન્ધર્વો અમૃતાનિ નામ ॥

અપ્સરા જારમ્ ઉપસિષ્મિયાણા યોષા બિભર્તિ પરમે વ્યોમન્ ।
ચરત્ પ્રિયસ્ય યોનિષુ પ્રિયઃ સન્ સીદત્ પક્ષે હિરણ્યયે સ વેનઃ ॥

નાકે સુપર્ણમ્ ઉપ યત્ પતન્તં હૃદા વેનન્તો અભ્ય્ અચક્ષત ત્વા ।
હિરણ્યપક્ષં વરુણસ્ય દૂતં યમસ્ય યોનૌ શકુનમ્ ભુરણ્યુમ્ ॥

ઊર્ધ્વો ગન્ધર્વો અધિ નાકે અસ્થાત્ પ્રત્યઙ્ ચિત્રા બિભ્રદ્ અસ્યાયુધાનિ ।
વસાનો અત્કં સુરભિં દૃશે કં સ્વ1ર્ ણ નામ જનત પ્રિયાણિ ॥

દ્રપ્સઃ સમુદ્રમ્ અભિ યજ્ જિગાતિ પશ્યન્ ગૃધ્રસ્ય ચક્ષસા વિધર્મન્ ।
ભાનુઃ શુક્રેણ શોચિષા ચકાનસ્ તૃતીયે ચક્રે રજસિ પ્રિયાણિ ॥