ઋગ્વેદ · અધ્યાય 10.119

ઇતિ વા ઇતિ મે મનો ગામ્ અશ્વં સનુયામ્ ઇતિ ।
કુવિત્ સોમસ્યાપામ્ ઇતિ ॥

પ્ર વાતા ઇવ દોધત ઉન્ મા પીતા અયંસત ।
કુવિત્ સોમસ્યાપામ્ ઇતિ ॥

ઉન્ મા પીતા અયંસત રથમ્ અશ્વા ઇવાશવઃ ।
કુવિત્ સોમસ્યાપામ્ ઇતિ ॥

ઉપ મા મતિર્ અસ્થિત વાશ્રા પુત્રમ્ ઇવ પ્રિયમ્ ।
કુવિત્ સોમસ્યાપામ્ ઇતિ ॥

અહં તષ્ટેવ વન્ધુરમ્ પર્ય્ અચામિ હૃદા મતિમ્ ।
કુવિત્ સોમસ્યાપામ્ ઇતિ ॥

નહિ મે અક્ષિપચ્ ચનાચ્છાન્ત્સુઃ પઞ્ચ કૃષ્ટયઃ ।
કુવિત્ સોમસ્યાપામ્ ઇતિ ॥

નહિ મે રોદસી ઉભે અન્યમ્ પક્ષં ચન પ્રતિ ।
કુવિત્ સોમસ્યાપામ્ ઇતિ ॥

અભિ દ્યામ્ મહિના ભુવમ્ અભી3મામ્ પૃથિવીમ્ મહીમ્ ।
કુવિત્ સોમસ્યાપામ્ ઇતિ ॥

હન્તાહમ્ પૃથિવીમ્ ઇમાં નિ દધાનીહ વેહ વા ।
કુવિત્ સોમસ્યાપામ્ ઇતિ ॥

ઓષમ્ ઇત્ પૃથિવીમ્ અહં જઙ્ઘનાનીહ વેહ વા ।
કુવિત્ સોમસ્યાપામ્ ઇતિ ॥

દિવિ મે અન્યઃ પક્ષો3 ઽધો અન્યમ્ અચીકૃષમ્ ।
કુવિત્ સોમસ્યાપામ્ ઇતિ ॥

અહમ્ અસ્મિ મહામહો ઽભિનભ્યમ્ ઉદીષિતઃ ।
કુવિત્ સોમસ્યાપામ્ ઇતિ ॥

ગૃહો યામ્ય્ અરંકૃતો દેવેભ્યો હવ્યવાહનઃ ।
કુવિત્ સોમસ્યાપામ્ ઇતિ ॥