ઋગ્વેદ · અધ્યાય 10.118

અગ્ને હંસિ ન્ય્ અ1ત્રિણં દીદ્યન્ મર્ત્યેષ્વ્ આ ।
સ્વે ક્ષયે શુચિવ્રત ॥

ઉત્ તિષ્ઠસિ સ્વાહુતો ઘૃતાનિ પ્રતિ મોદસે ।
યત્ ત્વા સ્રુચઃ સમસ્થિરન્ ॥

સ આહુતો વિ રોચતે ઽગ્નિર્ ઈળેન્યો ગિરા ।
સ્રુચા પ્રતીકમ્ અજ્યતે ॥

ઘૃતેનાગ્નિઃ સમ્ અજ્યતે મધુપ્રતીક આહુતઃ ।
રોચમાનો વિભાવસુઃ ॥

જરમાણઃ સમ્ ઇધ્યસે દેવેભ્યો હવ્યવાહન ।
તં ત્વા હવન્ત મર્ત્યાઃ ॥

તમ્ મર્તા અમર્ત્યં ઘૃતેનાગ્નિં સપર્યત ।
અદાભ્યં ગૃહપતિમ્ ॥

અદાભ્યેન શોચિષાગ્ને રક્ષસ્ ત્વં દહ ।
ગોપા ઋતસ્ય દીદિહિ ॥

સ ત્વમ્ અગ્ને પ્રતીકેન પ્રત્ય્ ઓષ યાતુધાન્યઃ ।
ઉરુક્ષયેષુ દીદ્યત્ ॥

તં ત્વા ગીર્ભિર્ ઉરુક્ષયા હવ્યવાહં સમ્ ઈધિરે ।
યજિષ્ઠમ્ માનુષે જને ॥