Rig Veda · Chapter 10.119

iti vā iti me mano gām aśvaṁ sanuyām iti |
kuvit somasyāpām iti ||

pra vātā iva dodhata un mā pītā ayaṁsata |
kuvit somasyāpām iti ||

un mā pītā ayaṁsata ratham aśvā ivāśavaḥ |
kuvit somasyāpām iti ||

upa mā matir asthita vāśrā putram iva priyam |
kuvit somasyāpām iti ||

ahaṁ taṣṭeva vandhuram pary acāmi hṛdā matim |
kuvit somasyāpām iti ||

nahi me akṣipac canācchāntsuḥ pañca kṛṣṭayaḥ |
kuvit somasyāpām iti ||

nahi me rodasī ubhe anyam pakṣaṁ cana prati |
kuvit somasyāpām iti ||

abhi dyām mahinā bhuvam abhī3mām pṛthivīm mahīm |
kuvit somasyāpām iti ||

hantāham pṛthivīm imāṁ ni dadhānīha veha vā |
kuvit somasyāpām iti ||

oṣam it pṛthivīm ahaṁ jaṅghanānīha veha vā |
kuvit somasyāpām iti ||

divi me anyaḥ pakṣo3 'dho anyam acīkṛṣam |
kuvit somasyāpām iti ||

aham asmi mahāmaho 'bhinabhyam udīṣitaḥ |
kuvit somasyāpām iti ||

gṛho yāmy araṁkṛto devebhyo havyavāhanaḥ |
kuvit somasyāpām iti ||