ઋગ્વેદ · અધ્યાય 10.112

ઇન્દ્ર પિબ પ્રતિકામં સુતસ્ય પ્રાતઃસાવસ્ તવ હિ પૂર્વપીતિઃ ।
હર્ષસ્વ હન્તવે શૂર શત્રૂન્ ઉક્થેભિષ્ ટે વીર્યા3 પ્ર બ્રવામ ॥

યસ્ તે રથો મનસો જવીયાન્ એન્દ્ર તેન સોમપેયાય યાહિ ।
તૂયમ્ આ તે હરયઃ પ્ર દ્રવન્તુ યેભિર્ યાસિ વૃષભિર્ મન્દમાનઃ ॥

હરિત્વતા વર્ચસા સૂર્યસ્ય શ્રેષ્ઠૈ રૂપૈસ્ તન્વં સ્પર્શયસ્વ ।
અસ્માભિર્ ઇન્દ્ર સખિભિર્ હુવાનઃ સધ્રીચીનો માદયસ્વા નિષદ્ય ॥

યસ્ય ત્યત્ તે મહિમાનમ્ મદેષ્વ્ ઇમે મહી રોદસી નાવિવિક્તામ્ ।
તદ્ ઓક આ હરિભિર્ ઇન્દ્ર યુક્તૈઃ પ્રિયેભિર્ યાહિ પ્રિયમ્ અન્નમ્ અચ્છ ॥

યસ્ય શશ્વત્ પપિવાઁ ઇન્દ્ર શત્રૂન્ અનાનુકૃત્યા રણ્યા ચકર્થ ।
સ તે પુરંધિં તવિષીમ્ ઇયર્તિ સ તે મદાય સુત ઇન્દ્ર સોમઃ ॥

ઇદં તે પાત્રં સનવિત્તમ્ ઇન્દ્ર પિબા સોમમ્ એના શતક્રતો ।
પૂર્ણ આહાવો મદિરસ્ય મધ્વો યં વિશ્વ ઇદ્ અભિહર્યન્તિ દેવાઃ ॥

વિ હિ ત્વામ્ ઇન્દ્ર પુરુધા જનાસો હિતપ્રયસો વૃષભ હ્વયન્તે ।
અસ્માકં તે મધુમત્તમાનીમા ભુવન્ સવના તેષુ હર્ય ॥

પ્ર ત ઇન્દ્ર પૂર્વ્યાણિ પ્ર નૂનં વીર્યા વોચમ્ પ્રથમા કૃતાનિ ।
સતીનમન્યુર્ અશ્રથાયો અદ્રિં સુવેદનામ્ અકૃણોર્ બ્રહ્મણે ગામ્ ॥

નિ ષુ સીદ ગણપતે ગણેષુ ત્વામ્ આહુર્ વિપ્રતમં કવીનામ્ ।
ન ઋતે ત્વત્ ક્રિયતે કિં ચનારે મહામ્ અર્કમ્ મઘવઞ્ ચિત્રમ્ અર્ચ ॥

અભિખ્યા નો મઘવન્ નાધમાનાન્ સખે બોધિ વસુપતે સખીનામ્ ।
રણં કૃધિ રણકૃત્ સત્યશુષ્માભક્તે ચિદ્ આ ભજા રાયે અસ્માન્ ॥