ઋગ્વેદ · અધ્યાય 10.086

વિ હિ સોતોર્ અસૃક્ષત નેન્દ્રં દેવમ્ અમંસત ।
યત્રામદદ્ વૃષાકપિર્ અર્યઃ પુષ્ટેષુ મત્સખા વિશ્વસ્માદ્ ઇન્દ્ર ઉત્તરઃ ॥

પરા હીન્દ્ર ધાવસિ વૃષાકપેર્ અતિ વ્યથિઃ ।
નો અહ પ્ર વિન્દસ્ય્ અન્યત્ર સોમપીતયે વિશ્વસ્માદ્ ઇન્દ્ર ઉત્તરઃ ॥

કિમ્ અયં ત્વાં વૃષાકપિશ્ ચકાર હરિતો મૃગઃ ।
યસ્મા ઇરસ્યસીદ્ ઉ ન્વ્ અ1ર્યો વા પુષ્ટિમદ્ વસુ વિશ્વસ્માદ્ ઇન્દ્ર ઉત્તરઃ ॥

યમ્ ઇમં ત્વં વૃષાકપિમ્ પ્રિયમ્ ઇન્દ્રાભિરક્ષસિ ।
શ્વા ન્વ્ અસ્ય જમ્ભિષદ્ અપિ કર્ણે વરાહયુર્ વિશ્વસ્માદ્ ઇન્દ્ર ઉત્તરઃ ॥

પ્રિયા તષ્ટાનિ મે કપિર્ વ્યક્તા વ્ય્ અદૂદુષત્ ।
શિરો ન્વ્ અસ્ય રાવિષં ન સુગં દુષ્કૃતે ભુવં વિશ્વસ્માદ્ ઇન્દ્ર ઉત્તરઃ ॥

ન મત્ સ્ત્રી સુભસત્તરા ન સુયાશુતરા ભુવત્ ।
ન મત્ પ્રતિચ્યવીયસી ન સક્થ્ય્ ઉદ્યમીયસી વિશ્વસ્માદ્ ઇન્દ્ર ઉત્તરઃ ॥

ઉવે અમ્બ સુલાભિકે યથેવાઙ્ગ ભવિષ્યતિ ।
ભસન્ મે અમ્બ સક્થિ મે શિરો મે વીવ હૃષ્યતિ વિશ્વસ્માદ્ ઇન્દ્ર ઉત્તરઃ ॥

કિં સુબાહો સ્વઙ્ગુરે પૃથુષ્ટો પૃથુજાઘને ।
કિં શૂરપત્નિ નસ્ ત્વમ્ અભ્ય્ અમીષિ વૃષાકપિં વિશ્વસ્માદ્ ઇન્દ્ર ઉત્તરઃ ॥

અવીરામ્ ઇવ મામ્ અયં શરારુર્ અભિ મન્યતે ।
ઉતાહમ્ અસ્મિ વીરિણીન્દ્રપત્ની મરુત્સખા વિશ્વસ્માદ્ ઇન્દ્ર ઉત્તરઃ ॥

સંહોત્રં સ્મ પુરા નારી સમનં વાવ ગચ્છતિ ।
વેધા ઋતસ્ય વીરિણીન્દ્રપત્ની મહીયતે વિશ્વસ્માદ્ ઇન્દ્ર ઉત્તરઃ ॥

ઇન્દ્રાણીમ્ આસુ નારિષુ સુભગામ્ અહમ્ અશ્રવમ્ ।
નહ્ય્ અસ્યા અપરં ચન જરસા મરતે પતિર્ વિશ્વસ્માદ્ ઇન્દ્ર ઉત્તરઃ ॥

નાહમ્ ઇન્દ્રાણિ રારણ સખ્યુર્ વૃષાકપેર્ ઋતે ।
યસ્યેદમ્ અપ્યં હવિઃ પ્રિયં દેવેષુ ગચ્છતિ વિશ્વસ્માદ્ ઇન્દ્ર ઉત્તરઃ ॥

વૃષાકપાયિ રેવતિ સુપુત્ર આદ્ ઉ સુસ્નુષે ।
ઘસત્ ત ઇન્દ્ર ઉક્ષણઃ પ્રિયં કાચિત્કરં હવિર્ વિશ્વસ્માદ્ ઇન્દ્ર ઉત્તરઃ ॥

ઉક્ષ્ણો હિ મે પઞ્ચદશ સાકમ્ પચન્તિ વિંશતિમ્ ।
ઉતાહમ્ અદ્મિ પીવ ઇદ્ ઉભા કુક્ષી પૃણન્તિ મે વિશ્વસ્માદ્ ઇન્દ્ર ઉત્તરઃ ॥

વૃષભો ન તિગ્મશૃઙ્ગો ઽન્તર્ યૂથેષુ રોરુવત્ ।
મન્થસ્ ત ઇન્દ્ર શં હૃદે યં તે સુનોતિ ભાવયુર્ વિશ્વસ્માદ્ ઇન્દ્ર ઉત્તરઃ ॥

ન સેશે યસ્ય રમ્બતે ઽન્તરા સક્થ્યા3 કપૃત્ ।
સેદ્ ઈશે યસ્ય રોમશં નિષેદુષો વિજૃમ્ભતે વિશ્વસ્માદ્ ઇન્દ્ર ઉત્તરઃ ॥

ન સેશે યસ્ય રોમશં નિષેદુષો વિજૃમ્ભતે ।
સેદ્ ઈશે યસ્ય રમ્બતે ઽન્તરા સક્થ્યા3 કપૃદ્ વિશ્વસ્માદ્ ઇન્દ્ર ઉત્તરઃ ॥

અયમ્ ઇન્દ્ર વૃષાકપિઃ પરસ્વન્તં હતં વિદત્ ।
અસિં સૂનાં નવં ચરુમ્ આદ્ એધસ્યાન આચિતં વિશ્વસ્માદ્ ઇન્દ્ર ઉત્તરઃ ॥

અયમ્ એમિ વિચાકશદ્ વિચિન્વન્ દાસમ્ આર્યમ્ ।
પિબામિ પાકસુત્વનો ઽભિ ધીરમ્ અચાકશં વિશ્વસ્માદ્ ઇન્દ્ર ઉત્તરઃ ॥

ધન્વ ચ યત્ કૃન્તત્રં ચ કતિ સ્વિત્ તા વિ યોજના ।
નેદીયસો વૃષાકપે ઽસ્તમ્ એહિ ગૃહાઁ ઉપ વિશ્વસ્માદ્ ઇન્દ્ર ઉત્તરઃ ॥

પુનર્ એહિ વૃષાકપે સુવિતા કલ્પયાવહૈ ।
ય એષ સ્વપ્નનંશનો ઽસ્તમ્ એષિ પથા પુનર્ વિશ્વસ્માદ્ ઇન્દ્ર ઉત્તરઃ ॥

યદ્ ઉદઞ્ચો વૃષાકપે ગૃહમ્ ઇન્દ્રાજગન્તન ।
ક્વ1 સ્ય પુલ્વઘો મૃગઃ કમ્ અગઞ્ જનયોપનો વિશ્વસ્માદ્ ઇન્દ્ર ઉત્તરઃ ॥

પર્શુર્ હ નામ માનવી સાકં સસૂવ વિંશતિમ્ ।
ભદ્રમ્ ભલ ત્યસ્યા અભૂદ્ યસ્યા ઉદરમ્ આમયદ્ વિશ્વસ્માદ્ ઇન્દ્ર ઉત્તરઃ ॥