ઋગ્વેદ · અધ્યાય 10.082

ચક્ષુષઃ પિતા મનસા હિ ધીરો ઘૃતમ્ એને અજનન્ નન્નમાને ।
યદેદ્ અન્તા અદદૃહન્ત પૂર્વ આદ્ ઇદ્ દ્યાવાપૃથિવી અપ્રથેતામ્ ॥

વિશ્વકર્મા વિમના આદ્ વિહાયા ધાતા વિધાતા પરમોત સંદૃક્ ।
તેષામ્ ઇષ્ટાનિ સમ્ ઇષા મદન્તિ યત્રા સપ્તઋષીન્ પર એકમ્ આહુઃ ॥

યો નઃ પિતા જનિતા યો વિધાતા ધામાનિ વેદ ભુવનાનિ વિશ્વા ।
યો દેવાનાં નામધા એક એવ તં સમ્પ્રશ્નમ્ ભુવના યન્ત્ય્ અન્યા ॥

ત આયજન્ત દ્રવિણં સમ્ અસ્મા ઋષયઃ પૂર્વે જરિતારો ન ભૂના ।
અસૂર્તે સૂર્તે રજસિ નિષત્તે યે ભૂતાનિ સમકૃણ્વન્ન્ ઇમાનિ ॥

પરો દિવા પર એના પૃથિવ્યા પરો દેવેભિર્ અસુરૈર્ યદ્ અસ્તિ ।
કં સ્વિદ્ ગર્ભમ્ પ્રથમં દધ્ર આપો યત્ર દેવાઃ સમપશ્યન્ત વિશ્વે ॥

તમ્ ઇદ્ ગર્ભમ્ પ્રથમં દધ્ર આપો યત્ર દેવાઃ સમગચ્છન્ત વિશ્વે ।
અજસ્ય નાભાવ્ અધ્ય્ એકમ્ અર્પિતં યસ્મિન્ વિશ્વાનિ ભુવનાનિ તસ્થુઃ ॥

ન તં વિદાથ ય ઇમા જજાનાન્યદ્ યુષ્માકમ્ અન્તરમ્ બભૂવ ।
નીહારેણ પ્રાવૃતા જલ્પ્યા ચાસુતૃપ ઉક્થશાસશ્ ચરન્તિ ॥